Заява аб прызнанні 14 чалавек палітычнымі зняволенымі (Ціна Палынская і іншыя)

Заява праваабарончай супольнасці Беларусі

6 чэрвеня 2025 года

Мы, прадстаўнікі праваабарончай супольнасці Беларусі, зноў адзначаем, што пазбаўленне волі і крымінальная адказнасць за розныя формы пратэстнай актыўнасці выкарыстоўваюцца ўладамі як інструмент падаўлення грамадзянскай і палітычнай актыўнасці, іншадумства і антываенных выказванняў.

Крымінальнае заканадаўства ў 2021 годзе было істотна ўзмоцнена і дапоўнена новымі складамі злачынстваў, якія ўлады выкарыстоўваюць выключна ў мэтах палітычных рэпрэсій.

Міністэрства ўнутраных спраў і Камітэт дзяржаўнай бяспекі ў пазасудовым парадку адвольна прызнаюць экстрэмісцкімі групы грамадзян, аб’яднаных грамадскімі або палітычнымі інтарэсамі, якія крытыкуюць дзеянні ўладаў і патрабуюць змен у дзяржаве і праводжанай ёй палітыцы. Шэраг СМІ таксама прызнаны экстрэмісцкімі фарміраваннямі. Гэта, у сваю чаргу, адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і респондэнтаў як непрапарцыйнай меры абмежавання права на асацыяцыю і свабоды выказвання меркаванняў.

Так, стала вядома пра змяшчэнне пад варту і асуджэнне да пазбаўлення волі ў сувязі з прызнаннем пратэсных ініцыятыў экстрэмісцкімі фармаваннямі Ціны Палынскай, Маргарыты Рабіновіч, Алы Юшкевіч, Вольгі Міраненкі, Наталлі П., Мікалая Дайнекі, Любові В., Аляксандра Куліковіча, Віталя Каваленкі, Яраславы Храмчанкавай, Артура Тарасава, Ірыны Лебедзь, Аляксандра Лебедзя, Любові Драгель.

Мы прызнаём названых асоб палітвязнямі ў адпаведнасці з п. 3.1(а) Кіраўніцтва па вызначэнні паняцця "палітычны зняволены" і патрабуем ад уладаў Беларусі:

• неадкладна вызваліць палітычных зняволеных Ціну Палынскую, Маргарыту Рабіновіч, Алу Юшкевіч, Вольгу Міраненку, Наталлю П., Мікалая Дайнеку, Любоў В., Аляксандра Куліковіча, Віталя Каваленку, Яраславу Храмчанкаву, Артура Тарасава, Ірыну Лебедзь, Аляксандра Лебедзя, Любоў Драгель;

• неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр “Вясна”;

Прававая ініцыятыва;

Беларускі ПЭН;

Беларускі Хельсінкскі камітэт;

Lawtrend;

Human Constanta.