Кааліцыя беларускіх НДА і Беларускага кангрэсу дэмакратычных прафсаюзаў прадставіла аналітычны даклад аб сітуацыі з правамі чалавека ў сферы працы, прызначаны для Спецыяльнага дакладчыка ААН па сітуацыі з правамі чалавека ў Беларусі.
Адвакаты ад імя дзясяці беларусаў звярнуліся ў Федэральную пракуратуру Германіі з заявай аб тым, што Аляксандр Лукашэнка здзейсніў злачынствы супраць чалавечнасці.
Міжнародная платформа для Беларусі па прыцягненні вінаватых да адказнасці (IAPB) перадасць сабраныя сведчанні для далейшага расследавання пад эгідай ААН, паведаміў кіраўнік платформы Енс Модвіг. Пра гэта пішуць naviny.by са спасылкай на Дойчэ Веле.
Мы патрабуем ад уладаў Беларусі неадкладна вызваліць з-пад варты палітвязняў Міхаіла Фірагу, Вячаслава Папова, Віталя Шыцікава, Валянціна Колба, Вадзіма Чапялевіча, Ігара Гарчанюка і спыніць іх крымінальны пераслед.
Мы лічым пераслед і пазбаўленне волі Сяргея Скока, Вольгі Клімковай, Максіма Сяргеенкі палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі.