Варкшоп “Інклюзіўныя мерапрыемствы анлайн – (не)магчыма?”

3:30 PM
Wednesday 17 March 2021
ОНЛАЙН
Варкшоп “Інклюзіўныя мерапрыемствы анлайн – (не)магчыма?”

Прайшоў ужо амаль год з таго часу, як мерапрыемствы шматлікіх арганізацый і ініцыятыў сталі праводзіцца толькі ў анлайн-фармаце. Але ці ўсе прадстаўнікі і прадстаўніцы нашых мэтавых груп могуць камфортна ўдзельнічаць у такіх мерапрыемствах?

На варкшопе “Інклюзіўныя мерапрыемствы анлайн – (не)магчыма?” мы абмяркуем магчымыя рашэнні для інклюзіўнасці анлайн-мерапрыемстваў на этапе іх падрыхтоўкі і правядзення.

Мы не абяцаем вам гатовых вырашэнняў: некаторыя бар’еры для анлайн-удзелу дастаткова сур’ёзныя, структурныя – іх нельга памяняць сіламі адной групы або арганізацыі. Пры гэтым мы хочам прыцягнуць вашу ўвагу да бар’ераў. Тады мы зможам лепш уявіць, з якімі цяжкасцямі сутыкаюцца людзі па той бок манітора, і дапамагчы пераадолець дадзеныя бар’еры альбо не ствараць іх зусім.

У выніку ўдзелу ў варкшопе вы:

  • атрымаеце ўяўленне аб бар’ерах да ўдзелу ў анлайн-мерапрыемствах людзей з розных уразлівых груп (людзей з інваліднасцю, сталага веку, ЛГБТК+, падлеткаў, якія знаходзяцца ў зоне рызыкі хатняга гвалту, і інш.);

  • абмяркуеце спосабы пераадолення бар’ераў;

  • зможаце вызначыць, што з магчымых рашэнняў падыходзіць для вашай дзейнасці.

Варкшоп разлічаны на арганізатараў і арганізатарак мерапрыемстваў (як вопытных, так і пачаткоўцаў), якія хочуць зрабіць свае анлайн-падзеі больш інклюзіўнымі.

Варкшоп пройдзе ў інтэрактыўнай форме, таму важна мець магчымасць удзельнічаць з уключаным мікрафонам і камерай, зручней удзельнічаць з выкарыстаннем камп’ютара.

Рэгістрацыя абавязковая і адкрыта да 23:59 16 сакавіка па спасылцы: https://forms.gle/AhyQhFAq9fagcmg89. Колькасць удзельнікаў і ўдзельніц абмежавана, таму форма можа быць зачынена раней. Калі ласка, запаўняйце форму ў тым выпадку, калі вы ўпэўненыя, што ў вас атрымаецца прысутнічаць. Калі вы запоўніце форму, то 17 сакавіка вам прыйдзе ліст з пацвярджэннем і спасылкай на канферэнцыю ў Zoom.

Варкшоп з’яўляецца часткай анлайн-курсу па арганізацыі мерапрыемстваў “Рабі смела!”, які праводзіць Цэнтр развіцця эфектыўнай камунікацыі “Жывая Бібліятэка” у рамках праекта RegiON у партнёрстве з моладзевай арганізацыяй NSNL (Маладзечна), тайм-клубам “1387” (Бабруйск) і культурна-адукацыйнай платформай “Першы крок” (Мазыр).

КРЫНІЦА

Share

See more news

Апублікаваны дапаможнік па дакументаванні пацярпелых ад катаванняў і жорсткага абыходжання
07 July 2025, 2:21 PM
Апублікаваны дапаможнік па дакументаванні пацярпелых ад катаванняў і жорсткага абыходжання
Разам з дакументатарамі "Вясны" і эксперткай REDRESS Кацяй Равінскай тлумачым, што гэта такое і чаму было важна стварыць такі дакумент цяпер.
«Жанчыны сутыкаюцца з сістэмай, якая не разумее і не ўлічвае іх патрэбы»: у Вільні абмеркавалі праблемы жанчын у зняволенні
07 July 2025, 2:17 PM
«Жанчыны сутыкаюцца з сістэмай, якая не разумее і не ўлічвае іх патрэбы»: у Вільні абмеркавалі праблемы жанчын у зняволенні
24 траўня 2025 году ў Вільні прайшла канферэнцыя «Жанчыны ў зняволенні: нябачны боль пенітэнцыярнай сістэмы Беларусі».
БХК опубликовал дайджест трендов государственной политики в области прав человека за начало 2025 года
07 July 2025, 1:33 PM
БХК опубликовал дайджест трендов государственной политики в области прав человека за начало 2025 года
Беларусский Хельсинкский Комитет подготовил обзор тенденций государственной политики в области прав человека за период январь – апрель 2025 года.
Беларускі ПЭН: Хроніка парушэнняў правоў чалавека ў сферы культуры 1–15 чэрвеня 2025 года
07 July 2025, 12:42 PM
Беларускі ПЭН: Хроніка парушэнняў правоў чалавека ў сферы культуры 1–15 чэрвеня 2025 года
На 15 чэрвеня 2025 года: Людзей Слова ў няволі (ці з абмежаваннем волі – адбываюць «хатнюю хімію») – не менш за 37, дзеячаў культуры ў няволі (ці з абмежаваннем волі – адбываюць «хатнюю хімію») – не менш за 159.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці