ААН заклікае скасаваць забарону на выдачу беларускіх пашпартоў за мяжой
)
ААН заклікае перагледзець указ Аляксандра Лукашэнкі, згодна з якім дыпмісіі больш не будуць выдаваць пашпарты і афармляць некаторыя іншыя дакументы беларусам замежжа. Гэта вынікае з паведамлення арганізацыі ў Twitter, піша "Вясна".
ААН лічыць, што ўказ аб забароне выдачы або падаўжэння пашпартоў за мяжой рызыкуе парушыць правы тысяч беларусаў у выгнанні, у тым ліку свабоду перамяшчэння.
"Ніхто не павінен адчуваць ціск, каб вяртацца і рызыкаваць трапіць пад пераслед. Мы заклікаем перагледзець указ у адпаведнасці з міжнароднымі стандартамі", — гаворыцца ў допісе на старонцы ў Twitter Офісу правоў чалавека ААН.
З 7 верасня афіцыйна ўвайшоў у дзеянне ўказ Аляксандра Лукашэнкі, згодна з якім дыпмісіі больш не будуць выдаваць пашпарты і афармляць некаторыя іншыя дакументы беларусам замежжа. Для атрымання, абмену або падаўжэння тэрміну дзеяння пашпарта прыйдзецца ехаць у Беларусь.
See more news
)
)
)
)
)
Атрымаць падтрымку
