БАЖ: Патрабуем спыніць практыку выкарыстання антыэкстрэмісцкага заканадаўства для абмежавання свабоды слова

18 November 2021, 10:28 AM
БАЖ: Патрабуем спыніць практыку выкарыстання антыэкстрэмісцкага заканадаўства для абмежавання свабоды слова

Беларуская асацыяцыя журналістаў патрабуе скасаваць рашэнні КДБ і МУС аб прызнанні экстрэмісцкімі фармаваннямі інфармацыйнага агенцтва БелаПАН і тэлеканала "Белсат".

ЗАЯВА

КДБ Беларусі 1 лістапада 2021 года прызнаў інфармацыйнае агенцтва БелаПАН экстрэмісцкім фармаваннем, 3 лістапада МУС Беларусі назваў экстрэмісцкім фармаваннем тэлеканал “Белсат”.

БелаПАН і “Белсат” з'яўляюцца сродкамі масавай інфармацыі.

Прызнанне юрыдычных асоб экстрэмісцкімі фармаваннямі мае пагрозу прыцягнення да крымінальнай адказнасці паводле арт. 361 [1] Крымінальнага кодэкса Рэспублікі Беларусь (стварэнне экстрэмісцкага фармавання альбо ўдзел у ім) не толькі журналістаў і кіраўнікоў гэтых рэдакцый, але таксама чытачоў, падпісчыкаў і карыстальнікаў кантэнту гэтых сродкаў масавай інфармацыі. Згаданы артыкул прадугледжвае пакаранне пазбаўленнем волі да сямі ці да дзесяці гадоў.

Гэтыя рашэнні КДБ і МУС супярэчаць не толькі нормам міжнароднага права, але і нормам крымінальнага заканадаўства Беларусі.

Па сваёй прававой прыродзе названыя дзеянні сілавых ведамстваў даюць магчымасць прыцягваць да крымінальнай адказнасці асоб наогул без устанаўлення іх віны, што супярэчыць раздзелу 4 Крымінальнага кодэкса Рэспублікі Беларусь.

Нормамі міжнароднага права прадугледжана, што абмежаванне свабоды выказвання меркавання дапускаецца толькі дзеля павагі правоў і рэпутацыі іншых асоб, для аховы дзяржаўнай бяспекі, грамадскага парадку і здароўя (ч. 3 арт. 19 МПГПП).

Такім чынам, згаданыя рашэнні МУС і КДБ аб прызнанні рэдакцый СМІ экстрэмісцкімі фармаваннямі з'яўляюцца нелегітымнымі па сваёй прававой прыродзе.

З улікам выкладзенага Беларуская асацыяцыя журналістаў ПАТРАБУЕ:

- Спыніць практыку выкарыстання заканадаўства аб барацьбе з экстрэмізмам для нелегітымнага абмежавання свабоды слова.

- Адмяніць рашэнні КДБ ад 01.11.2021 і МУС ад 03.11.2021 аб прызнанні экстрэмісцкімі фармаваннямі інфармацыйнае агенцтва БелаПАН і тэлеканал "Белсат".

Заява апублікаваная на сайце БАЖ.

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці