БХК звярнуўся да спецыяльных працэдураў ААН праз смерць палітвязня Мікалая Клімовіча

23 May 2023, 12:00 PM
БХК звярнуўся да спецыяльных працэдураў ААН праз смерць палітвязня Мікалая Клімовіча

Беларускі Хельсінкскі Камітэт праінфармаваў Спецыяльных дакладчыкаў ААН па пытанні права на здароўе, па правах асобаў з інваліднасцю, па сітуацыі з правамі чалавека ў Беларусі, а таксама Незалежную экспертку ААН па правах пажылых людзей  аб смерці палітвязня Мікалая Клімовіча ў Выпраўленчай калоніі № 3, а таксама звярнуў увагу на негуманнае абыходжанне з палітвязнямі, у тым ліку пажылымі або маючымі інваліднасць.

У сваім звароце праваабаронцы падкрэслілі, што смерць Мікалая Клімовіча далёка не першы выпадак смерці палітвязняў у беларускіх турмах. Больш за тое, праваабаронцы ўвесь час паведамляюць аб адсутнасці належнага медыцынскага агляду, адпаведных умоў і абсталявання, кваліфікаванага медыцынскага персаналу і неаказанні медыцынскай дапамогі. У паведамленні мы таксама апісалі практыку адмовы ў аказанні медыцынскай дапамогі як спосаб ціску на палітычных зняволеных.

Эксперты БХК звярнулі ўвагу спецдакладчыкаў на невыкананне ў Беларусі канстытуцыйных і міжнародных стандартаў у галіне права на жыццё і права на здароўе. Мы ўказалі, што ў адпаведнасці з Заўвагамі агульнага парадку №36 КПЧ ААН, абавязак дзяржавы абараняць жыццё ўсіх асоб, якія ўтрымліваюцца пад вартай, уключае ў сябе прадастаўленне ім неабходнай медыцынскай дапамогі і належны рэгулярны маніторынг іх здароўя, абарону іх ад гвалту паміж зняволенымі, прадухіленне самагубстваў і забеспячэнне. разумных умоў для асоб з інваліднасцю.

Раней эксперты БХК ужо накіроўвалі иінфармацыю па пытанні пажылых зняволеных да  Незалежнай эксперткі ААН па правах пажылых людзей  у рамках яе запыту для падрыхтоўкі тэматычнай Рады па правах чалавека ў 2023 годзе па гвалце, жорсткім абыходжанні і пагардзе ў дачыненні да пажылых людзей.

Гэтая інфармацыя сведчыць аб невыкананні кіраўніцтвам пенітэнцыярных устаноў сваіх абавязкаў, пастаянным парушэнні дзяржавай правоў зняволеных, а таксама аб ігнараванні міжнародных стандартаў і патрабаванняў нацыянальнага заканадаўства абыходжання з імі.

На думку БХК, смерць Мікалая Клімовіча з'яўляецца вынікам халатнага і грубага стаўлення кіраўніцтва калоніі да зняволеных, прымянення рэпрэсіўных мер, уключаючы адмову ў медыцынскай дапамозе, у дачыненні да палітвязняў з мэтай пакарання і запалохвання, а таксама абсалютнай беспакаранасці супрацоўнікаў пенітэнцыярных устаноў.

Друкуецца паводле сайту БХК.

See more news

Каринна Москаленко возглавит Группу экспертов ООН по правам человека в Беларуси
25 June 2024, 8:34 AM
Каринна Москаленко возглавит Группу экспертов ООН по правам человека в Беларуси
Правозащитницы Каринна Москаленко из России, Сьюзан Базилли из Канады и Моника Станислава Платек из Польши займутся мониторингом ситуации в области прав человека в Беларуси.
Комитет ООН: пытки – «систематическая практика» в Беларуси
19 June 2024, 11:33 AM
Комитет ООН: пытки – «систематическая практика» в Беларуси
Об этом говорится в ежегодном докладе Комитета ООН против пыток.
Human Rights Watch апублікавала даклад аб «беспрэцэдэнтных рэпрэсіях» супраць беларускіх адвакатаў, пад якія трапіла 140 асоб
19 June 2024, 11:16 AM
Human Rights Watch апублікавала даклад аб «беспрэцэдэнтных рэпрэсіях» супраць беларускіх адвакатаў, пад якія трапіла 140 асоб
Міжнародная арганізацыя Human Rights Watch апублікавала даклад аб рэпрэсіях супраць беларускіх адвакатаў. Ён ахоплівае пэрыяд з 2020 году.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці