Дзевяць еўрапейскіх парламентарыяў далучыліся да кампаніі #WeStandBYyou і сталі "хроснымі" для палітвязняў

14 February 2022, 11:43 AM
Дзевяць еўрапейскіх парламентарыяў далучыліся да кампаніі #WeStandBYyou і сталі "хроснымі" для палітвязняў

У межах кампаніі салідарнасці Libereco #WeStandBYyou сімвалічныя "хросныя" з’явіліся ў палітвязняў Марыі Новік, Алены Лазарчык, Андрэя Скурко, Аляксандра Вінярскага і Уладзіміра Кнігі. Яшчэ чатыры дэпутата перанялі абавязкі "хросных" у сваіх калегаў і працягнулі апекаваць палітзняволеных Сяргея Дзюбы, Яўгена Говара, Таццяны Ласіцы, Паўла Пяскова. 

lukas_benner.jpeg

"Хроснае" бацькоўства Сяргея Дзюбы пераняў дэпутат нямецкага Бундэстага і камітэта па прававых пытаннях Лукас Бэнэр. Ён патлумачыў:

"Я з вялікай павагай стаўлюся да мужнасці і рашучасці, з якімі народ Беларусі больш за год патрабуе дэмакратыі, свабоды і вяршэнства закона і супраціўляецца незаконнаму рэжыму Лукашэнкі. Менавіта таму я стаў "хросным" бацькам Сяргея Дзюбы. Мясцовыя забастоўкі не павінны быць ні крымінальнымі, ні забароненымі. Гэта асноўны сродак негвалтоўнага пратэсту супраць парушэнняў правоў чалавека і бесперапыннага гвалту беларускіх уладаў у дачыненні да мірнага насельніцтва. Я заклікаю рэжым Лукашэнкі неадкладна вызваліць Сяргея Дзюбу і ўсіх іншых палітвязняў і спыніць гвалт супраць беларускага насельніцтва".

anja_reinalter.jpg

Дэпутатка нямецкага Бундэстагу Аня Райнальтэр стала "хроснай" Марыі Новік і заявіла:

"Гэта не першы выпадак, калі ўлады Беларусі прымаюць меры супраць навінавага партала TUT.BY. Пасля прэзідэнцкіх выбараў 2020 года былі заблакаваныя дзясяткі навінавых парталаў і палітычных сайтаў. Рэдакцыі газет былі вымушаныя закрыцца. Абвінавачванне ва ўхіленні ад выплаты падаткаў неаднаразова выкарыстоўвалася ў мінулым, каб запалохаць і прымусіць замаўчаць СМІ, праваабаронцаў і незалежныя прафсаюзы.

Быць "хроснай" вельмі важна для мяне. Я падтрымліваю Марыю Новік і многіх іншых людзей у Беларусі, якія змагаюцца за свабоду прэсы, правы чалавека і сумленныя і свабодныя выбары. Для мяне важна, каб мы, як Альянс 90/Зялёныя, працягвалі працаваць над спыненнем дзяржаўнага гвалту і самавольства ў дачыненні да дэмакратычнай апазіцыі і грамадзянскай супольнасці ў Беларусі. Таму я вырашыла стаць "хроснай".

markus_huempfer.jpg

Маркус Хюмпфер — дэпутат нямецкага Бундэстага. Ён пераняў "хроснае" бацькоўства Яўгена Говара ад былой дэпутаткі Габі Вэбер. Ён патлумачыў:

"Падзеі ў Беларусі паказваюць, што не ўсюды такога, як я, можна абраць у парламент пасля жорсткай, але сумленнай выбарчай кампаніі, і што новая большасць забяспечвае новы ўрад. Падчас гэтага працэсу беларускі народ ясна даў зразумець, што ён з'яўляецца часткай нашага еўрапейскага і дэмакратычнага дома. Яўген Говар таксама трапіў у турму за пратэст супраць відавочных фальсіфікацый на выбарах. Але гэты мірны пратэст — гэта дэмакратычнае права і нават дэмакратычны абавязак. Таму я патрабую неадкладна вызваліць Яўгена Говара".

kevin_kuehnert.jpg

Дэпутат нямецкага Бундэстага і генеральны сакратар Сацыял-дэмакратычнай партыі Кевін Кюнерт пераняў "хроснае" бацькоўства Таццяны Ласіцы ад былога дэпутата Гізэлы Мандэрлы і сказаў:

"Актывістка Таццяна Ласіца была несправядліва заключаная ў папраўчую калонію з 21 студзеня 2021 года за тое, што назірала за дэманстрацыямі і дакументавала парушэнні правоў чалавека для праваабарончага цэнтра „Вясна“. Яна абараняла правы чалавека, праз што была асуджаная па артыкуле 342 Крымінальнага кодэкса Беларусі нібыта за парушэнне грамадскага парадку. Гэтае абвінавачванне гратэскавае, бо толькі пры дыктатуры асноўныя дэмакратычныя правы парушаюць так званы парадак. Прысуд з'яўляецца фарсам і ў чарговы раз выкрывае рэпрэсіўны характар беларускага рэжыму. Таццяна Ласіца і ўсе палітвязні ў Беларусі павінны быць неадкладна вызваленыя. Незаконныя і гвалтоўныя дзеянні рэжыму супраць грамадзянаў, якія выступаюць усяго толькі за абсалютны мінімум дэмакратычнага суіснавання, павінны быць спыненыя. Дэмакратычная грамадзянская супольнасць Беларусі павінна ведаць: ні адзін вязень не забыты. Адказныя выканаўцы павінны ведаць, што мы бесперапынна ўважліва сочым за рэпрэсіямі ў Беларусі і што аднойчы правы чалавека перамогуць".

nyke_slawik.jpg

Дэпутатка нямецкага Бундэстагу Нікэ Славік,стаўшы "хроснай" Алены Лазарчык, заявіла:

"Я выказваю глыбокую павагу ўсім тым, хто працуе ў імя новага дэмакратычнага пачатку ў Беларусі. Як і многія іншыя дэпутаты, я ўважліва сачу за тым, як ставяцца да тых, хто мірна выступае за іншую палітыку. Стаўшы "хроснай" Алены Лазарчык я буду з асаблівай увагай сачыць за яе справай і дамагацца яе вызвалення. Лепшая будучыня магчымая! Такія людзі, як Алена, даюць мне надзею на гэта".

anja_liebert.jpg

Аня Ліберт з'яўляецца дэпутаткай нямецкага Бундэстагу. Яна змяніла былую дэпутатку Урсулу Гродзен-Краніч у якасці "хроснай" Паўла Пяскова і заявіла:

"Я шчаслівая пераняць ролю "хроснай" маці Паўла Пяскова ад былой дэпутаткі Урсулы Гродзен-Краніч. Паўла абвінавацілі ў жорсткім супраціўленні міліцыі падчас затрымання на мірнай дэманстрацыі ў верасні 2020 года. За гэта яго асудзілі на 3 гады і 3 месяцы пазбаўлення волі. СІТУАЦЫЯ Ў БЕЛАРУСІ ПРАЦЯГВАЕ ПАГАРШАЦЦА: За апошні тыдзень колькасць палітвязняў перавысіла катастрафічную адзнаку ў тысячу зняволеных. Акрамя таго, у многіх іншых месцах па ўсім свеце палітычныя зняволеныя маюць патрэбу ў салідарнасці, яны заслугоўваюць вашай увагі. Неабходна тэрмінова пашырыць такія паслугі, як юрыдычная дапамога, паскораныя візы, падтрымка пацярпелых у выгнанні і арыштаваных журналістаў. Я БУДУ ПРАЦАВАЦЬ МЕНАВІТА ДЗЕЛЯ ГЭТАГА". 

felix_banaszak.jpeg

Фелікс Банашак — дэпутат нямецкага Бундэстага і камітэта па эканамічных пытаннях. Ён узяў на сябе "хроснае" бацькоўства Андрэя Скурко і патлумачыў:

"Я вельмі занепакоены сітуацыяй у Беларусі. Мы і надалей будзем стаяць за мужных беларусаў і беларусак, якія нястомна змагаюцца за дэмакратыю і вяршэнства закона. Я выказваю сваю поўную салідарнасць з імі. Яны рашуча выступаюць супраць самавольства, сістэматычнага гвалту, бесчалавечных умоў і катаванняў рэжыму Лукашэнкі. Я таксама заклікаю да неадкладнага і безумоўнага вызвалення сотняў палітвязняў, незаконна затрыманых за адстойванне іх права на свабоду меркаванняў, прэсы і слова. У межах кампаніі #WeStandBYyou я падтрымліваю Андрэя Скурко і многіх іншых, якія беспрэцэдэнтным чынам змагаюцца разам за будучыню сваёй краіны. За дэмакратычную і свабодную будучыню, за свабодныя і справядлівыя выбары, за празрыстасць і барацьбу з карупцыяй".

katja_adler.jpeg

"Хроснай" маці Аляксандра Вінярскага стала Каця Адлер, дэпутатка нямецкага Бундэстагу і Камітэта сям'і. Яна патрабуе:

"Свабода і правы чалавека не падлягаюць абмеркаванню! Цягам некалькіх месяцаў людзі ў Беларусі праводзілі дэманстрацыі ў абарону сваіх правоў і супраць самавольства дзяржаўнай улады. Аляксандр Вінярскі быў арыштаваны ва ўзросце 17 гадоў за тое, што патрабаваў захавання сваіх правоў. Разам з сотнямі соцень іншых ён цяпер у турме. Аляксандр і ўсе палітвязні павінны быць неадкладна вызваленыя. Гэта частка права кожнага чалавека на самавызначэнне жыць у міры і свабодзе, у тым ліку ў Беларусі". 

sebastian_schaefer.jpg

Себасцьян Шэфер з'яўляецца дэпутатам нямецкага Бундэстага. Ён узяў на сябе "хроснае" бацькоўства Уладзіміра Кнігі і заяўляе:

"Толькі з дапамогай тэрору, гвалту і рэпрэсій беларускі рэжым пры дыктатары Лукашэнкі змог утрымаць уладу пасля выбараў летам 2020 года і з таго часу баіцца ўласнага насельніцтва. Нягледзячы на жорсткасць, з якімі дыктатар Лукашэнка дзейнічаў супраць мірнага пратэснага руху, сотні тысяч мужных беларускіх грамадзян выйшлі на дэманстрацыю супраць яго рэжыму і за свабоду, вяршэнства закона і дэмакратыю. Так зрабіў і Уладзімір Кніга, былы міліцыянт, валанцёр выбарчай кампаніі Святланы Ціханоўскай. Ён быў арыштаваны перад выбарамі 2020 года, 4 чэрвеня, а 2 чэрвеня 2021 года ён быў асуджаны на чатыры гады зняволення ў калоніі строгага рэжыму. З глыбокім перакананнем я прымаю ролю палітычнага "хроснага" бацькі Уладзіміра Кнігі і патрабую яго неадкладнага вызвалення, а таксама вызвалення ўсіх іншых палітычных зняволеных".


Нагадаем, 9 ліпеня, роўна за месяц да прэзідэнцкіх выбараў 2020 года ў Беларусі, нямецка-швейцарская праваабарончая арганізацыя “Libereco — Партнёрства за правы чалавека” распачала кампанію салідарнасці з беларускімі палітвязнямі. 

Кампанія пад назвай #WeStandBYyou заклікае да салідарнасці з усімі людзьмі ў Беларусі, якія імкнуцца да свабодных і сумленных выбараў, дэмакратызацыі краіны, вяршэнства закона і павагі да правоў чалавека. Усе, хто хоча падтрымаць ахвяраў палітычнага пераследу ў Беларусі, могуць зрабіць гэта ў сацыяльных сетках з дапамогай хэштэга #WeStandBYyou.

Пераклад на беларускую мову - ПЦ "Вясна"

See more news

Резолюция Европарламента: Остановить репрессии в Беларуси и отменить смертную казнь
24 May 2022, 11:24 AM
Резолюция Европарламента: Остановить репрессии в Беларуси и отменить смертную казнь
Европарламент подписал резолюцию о санкциях в отношении Беларуси и России. Телеграм-канал «Мая краіна Беларусь» собрал основные тезисы.
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
24 May 2022, 10:17 AM
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
Лідэры беларускага дэмакратычнага руху будуць узнагароджаныя сёлета прэміяй Карла Вялікага. Нямецка-швейцарская праваабарончая арганізацыя “Ліберэка” ўзяла каментар у Таццяны Хоміч, сястры Марыі Калеснікавай, і Клаўдыі Рот, віцэ-спікера Бундэстага.
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
24 May 2022, 9:47 AM
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
Правозащитная организация «Комитет защиты журналистов» выступила с заявлением по поводу появившейся информации о тайном аресте в Беларуси журналиста-фрилансера Дмитрия Лукши.
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
24 May 2022, 9:16 AM
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
23 траўня адзначаецца год з таго, як рэжым Аляксандра Лукашэнкі захапіў самалёт, каб арыштаваць журналіста Рамана Пратасевіча. Арганізацыя «Рэпарцёры без межаў» нагадвае свету, што ў беларускіх турмах зняволеныя 27 супрацоўнікаў СМІ, і заклікае іх вызваліць.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці