Еўрапейская платформа за дэмакратычныя выбары заклікала АБСЕ абараніць назіральнікаў за выбарамі

09 October 2023, 11:43 AM
Еўрапейская платформа за дэмакратычныя выбары заклікала АБСЕ абараніць назіральнікаў за выбарамі

Старэйшы супрацоўнік па праграмах Еўрапейскай платформы за дэмакратычныя выбары Адам Бусуляну выступіў з заявай на Варшаўскай канферэнцыі АБСЕ па чалавечым вымярэнні 2023 года, піша "Вясна". Ён звярнуў увагу на рэпрэсіі, з якімі сутыкаюцца незалежныя назіральнікі за выбарамі і праваабаронцы ў аўтакратычных рэжымах, прывёўшы ў прыклад палітвязняў-праваабаронцаў "Вясны", і заклікаў АБСЕ актывізаваць свой удзел у падтрымцы і абароне экспертаў па выбарах і грамадзянскіх назіральнікаў за выбарамі.

Старэйшы супрацоўнік па праграмах Еўрапейскай платформы за дэмакратычныя выбары Адам БусулянуСтарэйшы супрацоўнік па праграмах Еўрапейскай платформы за дэмакратычныя выбары Адам Бусуляну

"Менш за год таму, у кастрычніку 2022 года, Арганізацыя Аб'яднаных Нацый адкрыта прызнала праваабаронцамі грамадзянскіх назіральнікаў за выбарамі. На жаль, з тых часоў становішча многіх назіральнікаў за выбарамі ў рэгіёне АБСЕ амаль не змянілася", — нагадаў Адам Бусуляну.

Паводле яго слоў, грамадзянскія назіральнікі граюць важную ролю ў прасоўванні дэмакратычных выбарчых рэформаў у сваіх краінах. Таму аўтарытарныя рэжымы, што фальсіфікуюць выбары для легітымізацыі сваёй улады, бачаць у іх пагрозу. Назіральнікі зведваюць жорсткія рэпрэсіі, іх саджаюць у турму або вымушаюць пакінуць краіну, звярнуў увагу прадстаўнік Еўрапейскай платформы за дэмакратычныя выбары:

"Я хацеў бы нагадаць, што нашы калегі з вядомай беларускай Праваабарончай арганізацыі "Вясна" — у якую ўваходзяць лаўрэат Нобелеўскай прэміі міру Алесь Бяляцкі, Валянцін Стэфановіч, Уладзімір Лабковіч, Марфа Рабкова і Андрэй Чапюк — ужо амаль два гады знаходзяцца ў турме. Яны правядуць там яшчэ шмат гадоў проста таму, што адважыліся назіраць за парушэннямі падчас выбараў і паведамляць аб масавых фальсіфікацыях. Іх дзеянні адпавядалі ідэям АБСЕ, яе правілам і каштоўнасцям".

Адам Бусуляну адзначыў, што абмежавальныя законы, такія як Законы аб "замежных агентах" і "непажаданых замежных арганізацыях", накіраваныя на разбурэнне грамадзянскай супольнасці ды ізаляцыю яго прадстаўнікоў ад знешніх партнёраў і падтрымкі, але пры гэтым распаўсюджваюцца па ўсім рэгіёне АБСЕ.

"Законы аб "замежных агентах" і "непажаданых замежных арганізацыях", а таксама жорсткія рэпрэсіі ў дачыненні да грамадзянскіх назіральнікаў за выбарамі ўяўляюць сабой прамое парушэнне асноватворных прынцыпаў і каштоўнасцяў АБСЕ. Ад імя EPDE я заклікаю АБСЕ і БДІПЧ да больш актыўнага ўдзелу ў падтрымцы інстытута грамадзянскага назірання за выбарамі ва ўсіх дзяржавах-удзельніцах. Мы заклікаем АБСЕ эфектыўна абараняць экспертаў па выбарах і добраахвотных назіральнікаў. Нарэшце, мы заклікаем АБСЕ актывізаваць свае намаганні, якія вядуць да вызвалення незаконна зняволеных экспертаў у выбарах у Беларусі і Расіі", — заявіў прадстаўнік Еўрапейскай платформы за дэмакратычныя выбары.

Публікацыя на сайце "Вясны"

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці