Інстаграм БДПЧ трапіў у сьпіс «экстрэмісцкіх матэрыялаў»
)
Рашэньнем суда Першамайскага раёна г. Мінска ад 9 чэрвеня 2025 года акаўнт ў Інстаграме "belhumanrightshouse" быў дададзены ў сьпіс "экстрэмісцкіх матэрыялаў".
Гэта - старонка Беларускага дома правоў чалавека імя Барыса Звозскава.
З пункту гледжаньня правоў чалавека, абвяшчэньне інфармацыйных матэрыялаў "экстрэмісцкімі" - гэта адвольнае абмежаваньне права на свабоду слова, яно ж - права на свабоднае выяўленьне свайго меркаваньня, паводле артыкула 19-2 Міжнароднага пакта аб грамадзянскіх і палітычных правах. Гэтае права ўключае свабоду шукаць, атрымліваць і распаўсюджваць любую інфармацыю і ідэі, незалежна ад дзяржаўных межаў, вусна, пісьмова ці праз друк, ці праз мастацкія формы выяўленьня, ці іншымі спосабамі на свой выбар.
Таксама гэта - абмежаваньне нашага права займацца праваабарончай дзейнасьцю, у прыватнасьці - права распаўсюджваць інфармацыю і веды аб правах чалавека і як іх абараняць. Таксама парушанае права людзей атрымліваць веды аб правах чалавека. Гэта сказана ў Дэклярацыі аб праваабаронцах.
Нават Канстытуцыя Беларусі ў 34 артыкуле "гарантуе права на атрыманьне, захоўванне і распаўсюд поўнай, дакладнай і своечасовай інфармацыі аб дзейнасьці дзяржаўных органаў [...]".
Калі ласка, калі вы ў Беларусі, адпішыцеся ад нашага Інстаграма, не лайкайце і не рабіце ягоныя рэпосты, прыбярыце старыя лайкі і рэпосты. Захоўванне і распаўсюд матэрыялаў інстаграма БДПЧ, падпіска, лайкі і рэпосты могуць пацягнуць адказнасьць паводле арт 19.11 Кодэкса аб адміністратыўных парушэннях.
Падрабязьней:
See more news
)
)
)
)
)
Атрымаць падтрымку
