Камітэт абароны журналістаў асудзіў прысуд Сняжане Інанец і Аляксандру Лычаўку

Парыж, 13 студзеня 2022 г. — У адказ на прысуд беларускім судом журналістам Сняжане Інанец і Аляксандру Лычаўку ў пятніцу да гадоў хатняга арышту Камітэт абароны журналістаў выступіў з заявай, у якой асудзіў абмежаванне свабоды журналістаў:

«Хай гэта і палёгка, што беларускія журналісты Сняжана Інанец і Аляксандр Лычаўка не будуць сядзець  ў сумнавядомых турмах краіны, іх асуджэнне да гадоў хатняга арышту ўсё адно ёсць вялікай несправядлівасцю», - сказала Гульноза Саід, каардынатарка праграм CPJ па Еўропе і Цэнтральнай Азіі. у Нью-Ёрку. «Улады павінны зняць абмежаванні, накладзеныя на журналістаў, зняць з іх усе абвінавачанні і дазволіць усім прадстаўнікам прэсы працаваць свабодна».

У пятніцу суд прызнаў журналістку незалежнага інфармацыйнага сайта Onliner Сняжану Інанец і краязнаўцу і рэпарцёра незалежнага сайта The Village Аляксандра  Лычаўку вінаватымі ў арганізацыі або ўдзеле ў грубых парушэннях грамадскага парадку. Аб гэтым Камітэт абароны журналістаў даведаўся з артыкулаў Беларускай Асацыяцыі журналістаў і ад намесніка старшыні БАЖ Барыса Гарэцкага.

Арыгінал артыкулу (на ангельскай мове) на сайце Камітэта абароны журналістаў.

Пераклад на беларускую мову: БДПЧ