Катаванні ў Фрунзенскім РУУС: таймлайн «Прававой ініцыятывы»
)
Праваабарончая арганізацыя «Прававая ініцыятыва» апублікавала вынікі расследавання катаванняў, якія адбыліся ў жніўні 2020 года ў аддзяленні міліцыі ў Мінску, дзе супрацоўнікі вызначаліся асаблівай жорсткасцю.
Масавыя катаванні, з якімі сутыкнуліся беларусы ў жніўні 2020-га – гэта злачынствы супраць чалавечнасці. Такія злачынствы не маюць тэрміна даўнасці і не павінны застацца беспакаранымі.
Таму ўжо 1,5 гады праваабарончая арганізацыя «Прававая ініцыятыва» збірае доказы, дакументуе гісторыі пацярпелых, аналізуе інфармацыю з адкрытых крыніц і грамадзянскіх ініцыятываў.
Фрагмент справаздачы
Па звестках «Прававой ініцыятывы», асаблівай жорсткасцю вызначыліся супрацоўнікі Фрунзенскага РУУС. Туды з 9-га па 13-га жніўня прывозілі маладых і пажылых, выпадковых мінакоў, журналістаў і замежных грамадзян.
Кожнага праганялі праз калідор з супрацоўнікамі АМАПа, якія стаялі паабапал і білі дубінкамі.
Затрыманых збівалі, абражалі, некаторых пазначалі фарбай – гэта азначала, што збіваць трэба асабліва жорстка. За 4 дні праз гэта пекла прайшло 400-600 чалавек.
Фрагмент справаздачы
На аснове інтэрв'ю пацярпелых «Прававая ініцыятыва» сабрала храналогію падзей, склала спіс злачынцаў і далі юрыдычную ацэнку іх дзеянням.
У расследаванні расказваецца:
Што адбывалася ў Фрунзенскім РУУС
Метадалогія расследавання
Храналогія катаванняў 9-13 жніўня 2020 года
Наступствы катаванняў
Адказныя асобы і меркаваныя злачынцы
Кваліфікацыя дзеянняў супрацоўнікаў
Поўнае расследаванне апублікавана на сайце «Прававой ініцыятывы»
See more news
)
)
)
)
Атрымаць падтрымку
