КДБ і МУС абнавілі спісы датычных да «тэрарыстычнай» і «экстрэмісцкай» дзейнасці. Там шмат журналістаў

07 November 2022, 10:34 AM
КДБ і МУС абнавілі спісы датычных да «тэрарыстычнай» і «экстрэмісцкай» дзейнасці. Там шмат журналістаў

На фота: Аляксандр Івулін, журналіст, палітвязень

Служба маніторынгу Беларускай асацыяцыі журналістаў паведамляе:

Галоўныя сілавыя ведамсты Беларусі працягваюць навешваць на апанентаў рэжыму ярлыкі экстрэмістаў ды тэрарыстаў. У гэтыя шэрагі ўсё часцей трапляюць зняволеныя і ўжо асуджаныя прадстаўнікі незалежных медыяў.

4 лістапада “экстрэмісцкі спіс”, які фармуе Міністэрства ўнутраных спраў,  папоўніўся ажно на 244 прозвішчы. Агулам цяпер там 1714 грамадзян Беларусі і замежных дзяржаў.

У абноўленым “пераліку асобаў, датычных да экстрэмісцкай дзейнасці”, цэлы шэраг журналістаў і блогераў: асуджаны карэспандэнт спартыўнага партала “Трыбуна” Аляксандр Івулін, фігурант “справы Сяргея Ціханоўскага” і кансультант Радыё “Свабода” Ігар Лосік, нядаўна вызвалены журналіст Радыё “Свабода” Алег Груздзіловіч (пры гэтым у спісе значыцца, што адбывае пакаранне), былы кіраўнік аб’яднання “Ахова птушак Бацькаўшчыны” і аглядальнік Віктар Фянчук, а таксама грамадскія дзеячы, музыкі ды іншыя.

Паралельна свой “тэрарыстычны спіс” апгрэйдзіў Камітэт дзяржбяспекі — ён больш сціплы, туды дадалі ўсяго 7 чалавек. Цяпер у ім 941 чалавек, таксама беларусы і замежнікі.

І тут не абышлося без журналісцкай прысутнасці. У прыватнасці, абвінавачаныя ў нібыта адміністраванні “Чорнай кнігі Беларусі” і прыцягнутыя да адміністрацыйнай адказнасці Яніна Сазановіч, Даніла Багдановіч, Вольга Высоцкая, Валерыя Занімонская і экс-журналіст “Прессбола”, заснавальнік спартыўнага рэсурсу Sports.ru Дзмітрый Навоша.

Усіх абвінавачваюць у распальванні варожасці (арт. 130 КК),  закліках да захадаў абмежавальнага характару (санкцый) ды іншых  дзеяннях, накіраваных на прычыненне шкоды нацыянальнай бяспецы Беларусі (арт. 361 КК).

Раней абодва спісы гэтаксама папаўняліся прадстаўнікамі незалежных СМІ, сярод якіх Андрэй Пачобут, Марына Золатава, Вольга Лойка, Алена Талкачова, Марк Бернштэйн ды многія іншыя. 

Арыгінал артыкулу на сайце БАЖ

See more news

Вакансія: Мэнэджэр накірунку "Абарона і падтрымка"
27 January 2023, 11:28 AM
Вакансія: Мэнэджэр накірунку "Абарона і падтрымка"
Мэнэджэр мае адказваць за планаванне, развіццё, агульную каардынацыю і рэалізацыю дзейнасці ў пазначаным накірунку, які ўключае некалькі больш вузкіх паднакірункаў.
Научный онлайн-семинар о выходе Беларуси из Факультативного протокола к Пакту о гражданских и политических правах
26 January 2023, 1:00 PM
Научный онлайн-семинар о выходе Беларуси из Факультативного протокола к Пакту о гражданских и политических правах
Центр Конституционализма и прав человека  в рамках цикла научных семинаров приглашает на первый научный семинар.
Новае відэа "Прававой ініцыятывы": "Права на жыццё"
24 January 2023, 11:58 AM
Новае відэа "Прававой ініцыятывы": "Права на жыццё"
Праваабарончая арганізацыя "Прававая ініцыятыва" запісала чарговы відэаролік, дзе папулярна тлумачыцца змест права на жыццё.
Руководство для иностранных граждан по организации работы в Литве Представляем вашему вниманию Руководство для иностранных гра
23 January 2023, 1:15 PM
Руководство для иностранных граждан по организации работы в Литве Представляем вашему вниманию Руководство для иностранных гра
Руководство подготовлено экспертами Института НПО Права (VšĮ „NVO teisės institutas) при поддержке Международного центра некоммерческого права (МЦНП).

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці