Леанід Судаленка на канферэнцыі ў Брусэлі «Стварэнне падмурка для дэмакратычных пераменаў»
)
На фота: Праваабаронца "Вясны" Леанід Судаленка на канферэнцыі "Стварэнне падмурка для дэмакратычных пераменаў"
У Еўрапейскім парламенце ў Брусэлі восьмага снежня праходзіць канферэнцыя, прысвечаная выклікам і перспектывам дэмакратычных рэформаў у Беларусі, паведамляецца на сайце лідаркі дэмакратычных сілаў Святланы Ціханоўскай.
Канферэнцыя арганізаваная Еўрапейскім парламентам сумесна з Міжнародным інстытутам дэмакратыі і садзейнічання выбарам (International IDEA) пры падтрымцы Еўрапейскай камісіі і Еўрапейскай службы знешніх дзеянняў.
У канферэнцыі бярэ ўдзел праваабаронца “Вясны”, экс-палітвязень Леанід Судаленка.
“Беларусь сёння жыве не ў цішыні, а ў страху. Але нават у такіх умовах беларуская супольнасць паказвае, што гатова думаць пра будучыню і рыхтаваць рэформы. Для нас, праваабаронцаў, прынцыповы момант — каб у будучай дэмакратычнай Беларусі ніколі больш не паўтарылася тое, што адбываецца цяпер: катаванні, палітычныя прысуды, поўная беспакаранасць улады. Рэформы — гэта не толькі пра інстытуты, але і пра павагу да чалавека. Менавіта на гэтым павінна грунтавацца новая Беларусь, і мы працягваць працу дзеля гэтага”, — кажа праваабаронца.
Канферэнцыю адкрылі віцэ-прэзідэнтка Еўрапарламента Эва Копач, Еўракамісарка па пытаннях пашырэння Марта Кос, лідарка дэмакратычных сілаў Беларусі Святлана Ціханоўская і генеральны сакратар International IDEA Кевін Касас-Замора. У мерапрыемстве таксама бярэ ўдзел кіраўніца дыпламатыі ЕС Кая Калас.
See more news
)
)
)
)
)
Атрымаць падтрымку
