Libereco: Выстава пра беларускіх палітвязняў у парламенце Шатландыі

17 March 2025, 2:11 PM
Libereco: Выстава пра беларускіх палітвязняў у парламенце Шатландыі

Нямецка-швейцарская праваабарончая арганізацыя LIBERECO дэманстравала ў шатландскім парламенце выставу пра беларускіх палітвязняў з 10 па 12 сакавіка 2025 года. Больш за 20 дэпутатаў пажадалі далучыцца да кампаніі #WeStandBYyou, каб выказаць салідарнасць з беларусамі, асуджанымі на доўгія тэрміны зняволення за іх змаганне за дэмакратыю і свабоду.

LIBERECO прабавілі тры дні ў парламенце Шатландыі з выставай пра беларускіх палітвязняў. Выстава дазволіла шатландскім парламентарыям даведацца больш пра палітычную сітуацыю і сітуацыю з правамі чалавека ў Беларусі. Таксама выстава запрашала далучыцца да кампаніі "Хросныя бацькі беларускіх палітвязняў" .

Выстава стала магчымым дзякуючы дэпутату парламента Вілі Рэні, хроснаму бацьку палітычнай зняволенай Алены Маліноўскай.

Г-н Рэні сказаў: «Я мяркую, што кожны павінен мець права на палітычнае выказванне і свабоду слова. Дэмакратыя і свабода слова — каштоўныя і далікатныя рэчы, і я спадзяюся, што беларусы атрымаюць гэта, калі вызваляцца ад дыктатуры Аляксандра Лукашэнкі».

«Тут, у парламенце Шатландыі, мы выказваем свае меркаванні, выказваем нязгоду, і мы робім гэта, не баючыся турмы або пераследу. Пераслед такой колькасьці невінаватых беларусаў, існаваньне такой колькасьці палітвязьняў – гэта абуральна. Я падтрымліваю народ Беларусі, які прагне свабод і справядлівасці ў сваёй краіне. Я рады, што змог падтрымаць LIBERECO, «Вясну» і Народнае консульства Беларусі ў арганізацыі выставы ў парламенце Шатландыі, і я рады, што так шмат маіх калегаў у парламенце таксама падтрымліваюць дэмакратыю ў Беларусі».

Парламент Шатландыі падтрымлівае дэмакратычную Беларусь

LIBERECO разам з «Вясной» і Народным консульствам Беларусі ў Шатландыі размаўлялі з людзьмі на працягу трох дзён. Кен МакБэйн, прадстаўнік LIBERECO ў Вялікабрытаніі, сказаў: «Было вельмі натхняльна размаўляць з такой колькасцю парламентарыяў у маёй краіне, якія горача клапоцяцца аб правах чалавека, дэмакратыі і справядлівасці. Абнадзейвае іх клопат пра тысячы беларусаў, якія пацярпелі ад рэжыму Лукашэнкі. Так шмат парламентарыяў знаходзілі час у напружаныя дні, паміж пасяджэннямі камітэтаў і парламенцкімі дэбатамі, каб спыніцца і пагаварыць пра Беларусь. Я вельмі шаную іх інтарэс і жаданне падтрымаць намаганні беларусаў за свабоду».

Больш за 20 парламентарыяў Шатландыі пажадалі далучыцца да кампаніі і стаць хроснымі бацькамі беларускіх палітвязняў, разам з 13 дэпутатамі, якія ўжо бяруць удзел у кампаніі праваабарончай арганізацыі Libereco.

Арыгінальная публікацыя на сайце Libereco

See more news

Lawtrend: Мониторинг ситуации со свободой ассоциаций и положением организаций гражданского общества в Беларуси в марте 2025 года
24 April 2025, 2:12 PM
Lawtrend: Мониторинг ситуации со свободой ассоциаций и положением организаций гражданского общества в Беларуси в марте 2025 года
В марте 2025 года масштабные репрессии в Беларуси в отношении беларусских организаций гражданского общества и граждан, как внутри страны, так и вынужденно уехавших за рубеж, продолжились.
Lawtrend: Мониторинг ситуации со свободой ассоциаций и положением организаций гражданского общества в Беларуси за январь 2025 года
14 April 2025, 1:55 PM
Lawtrend: Мониторинг ситуации со свободой ассоциаций и положением организаций гражданского общества в Беларуси за январь 2025 года
В январе 2025 года ситуация в сфере свободы ассоциации соответствовала общей ситуации с реализацией прав человека в стране — репрессии ужесточились на фоне так называемого избирательного процесса.
Агляд «Вясны». Сітуацыя з правамі чалавека ў Беларусі ў сакавіку 2025 года
14 April 2025, 1:08 PM
Агляд «Вясны». Сітуацыя з правамі чалавека ў Беларусі ў сакавіку 2025 года
Сітуацыя з правамі чалавека ў Беларусі застаецца крытычна цяжкай.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці