«Ліберэрка»: «Алесь — нястомны змагар за правы чалавека»

11 October 2022, 11:53 AM
«Ліберэрка»: «Алесь — нястомны змагар за правы чалавека»

На фота: сябры Libereco Фабіян Колер і Ларс Бюнгер на сустрэчы з Алесем Бяляцкім у Менску ў 2015 г.

 Нобелеўскую прэмію міру 2022 года атрымалі беларускі праваабаронца Алесь Бяляцкі, расійская праваабарончая арганізацыя «Мемарыял» і ўкраінская праваабарончая арганізацыя «Цэнтр грамадзянскіх свабод». Libereco віншуе лаўрэатаў і заклікае ўзмацніць ціск на Беларусь, каб нарэшце вызваліць Бяляцкага з турмы.

Больш за дзесяць гадоў нямецка-швейцарская праваабарончая арганізацыя Libereco – Partnership for Human Rights шчыльна супрацоўнічае з беларускім праваабарончым цэнтрам «Вясна», заснавальнікам і кіраўніком якога з'яўляецца Алесь Бяляцкі. У пятніцу Нарвежскі Нобелеўскі камітэт узнагародзіў 60-гадовага праваабаронцу Нобелеўскай прэміяй міру.

«Алесь — нястомны змагар за правы чалавека»

Libereco віншуе лаўрэата: «Мы вельмі рады, што наш сябар і калега Алесь Бяляцкі быў узнагароджаны за сваю шматгадовую дзейнасць. Алесь — нястомны змагар за правы чалавека, якому за свае перакананьні ўжо давялося правесьці некалькі гадоў у кратах. Мы патрабуем ад беларускага рэжыму неадкладнага і безумоўнага вызвалення яго і ўсіх палітвязняў у Беларусі. Мы вельмі спадзяемся, што зможам зноў убачыць Алеся на волі ў снежні на ўручэнні Нобэлеўскай прэміі міру ў Осла», — кажа Ларс Бюнгер, прэзідэнт Libereco у Швейцарыі.

Алесь Бяляцкі быў арыштаваны 14 ліпеня 2021 года і з'яўляецца адным з больш чым 1300 палітычных зняволеных у Беларусі, якія бязвінна знаходзяцца ў турме за сваю вернасць свабодзе, дэмакратыі і правам чалавека. У 1996 годзе Бяляцкі заснаваў беларускі праваабарончы цэнтр «Вясна», які сёння можа працаваць толькі з эміграцыі.

Алесь Бяляцкі — адзін з больш чым 1300 палітвязняў Беларусі

Разам з «Вясной» Libereco з ліпеня 2020 года вядзе кампанію салідарнасці #WeStandBYyou за вызваленне ўсіх палітвязняў у Беларусі. У межах кампаніі ўжо больш за 300 дэпутатаў еўрапейскіх парламентаў сталі хроснымі бацькамі палітвязняў у Беларусі. Алеся Бяляцкага пры гэтым сімвалічна ўсынавіў віцэ-прэзідэнт Еўрапарламента Нікола Бір.

«Рашэнне Нарвежскага Нобелеўскага камітэта з'яўляецца выразным сігналам дыктатарам і распальшчыкам вайны ў Расеі і Беларусі», - кажа Марка Фібер, выканаўчы дырэктар Libereco ў Германіі. Ён падкрэслівае: «Алесь Бяляцкі, «Мемарыял» і Цэнтр грамадзянскіх свабодаў з'яўляюцца выдатнымі інстытутамі грамадзянскай супольнасці ў сваіх краінах і цэнтральнымі апорамі ў барацьбе за свабоду і правы чалавека. Яны шмат гадоў працуюць у сваіх краінах дзеля абароны правоў чалавека, вяршэнства закона і дэмакратыі. Менавіта з гэтай прычыны Бяляцкі і «Мемарыял» няспынна пераследуюцца беларускімі і расейскімі ўладамі».

Акрамя Бяляцкага, у Беларусі ў кратах знаходзяцца яшчэ пяць сябраў «Вясны»; сама арганізацыя забароненая ў Беларусі, як і «Мемарыял» у Расеі.

 

Арыгінальны артыкул (на ангельскай мове) на сайце Ліберэка.

Пераклад на беларускую мову: БДПЧ

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці