«Мы асуджаем абвяшчэнне «Вясны» «экстрэмісцкім фармаваннем». Дацкі інстытут супраць катаванняў выступіў з супольнай заявай

06 September 2023, 8:44 AM
«Мы асуджаем абвяшчэнне «Вясны» «экстрэмісцкім фармаваннем». Дацкі інстытут супраць катаванняў выступіў з супольнай заявай

Фота svaboda.org

Дацкі інстытут супраць катаванняў «DIGNITY» 5 верасня выступіў з іншымі арганізацыямі з сумеснай заявай, у якой заклікае беларускія ўлады адмяніць рашэнне аб прызнанні «Вясны» «экстрэмісцкім фармаваннем». Акрамя гэтага, патрабуецца неадкладнае і безумоўнае вызваленне ўсіх палітвязняў Беларусі, уключна з пяццю праваабаронцамі «Вясны», а таксама захаванне сваіх абавязацельстваў у галіне правоў чалавека. «DIGNITY» у сумеснай заяве таксама заклікаў далучыцца да гэтых патрабаванняў міжнародную супольнасць.

Дацкі інстытут супраць катаванняў звяртае ўвагу ў заяве, што дзякуючы працы «Вясны» былі задакументаваныя шматлікія парушэнні правоў чалавека і міжнародныя злачынствы, у тым ліку прымяненне катаванняў і жорсткага абыходжання ў месцах зняволення.

«Мы асуджаем неабгрунтаванае прылічэнне «Вясны» да «экстрэмісцкіх фармаванняў». Гэта дзеянне ўяўляе сабой не толькі атаку на вядомую праваабарончую арганізацыю і зусім супрацьзаконную спробу перашкодзіць яе дзейнасці — яшчэ яно адлюстроўвае больш шырокую атаку ўрада на беларускую праваабарончую супольнасць і яго імкненне да падсправаздачнасці і вяршэнства права. Мы нагадваем, што пяцёра членаў «Вясны» ўсё яшчэ затрыманыя і заключаны ў турму па палітычна матываваных абвінавачваннях: Алесь Бяляцкі, старшыня і лаўрэат Нобелеўскай прэміі; Валянцін Стэфановіч, намеснік старшыні; Уладзь Лабковіч; Марфа Рабкова і Андрэй Чапюк», — гаворыцца ў заяве.

Адзначаецца, што ў выніку новага рашэння здольнасць Праваабарончага цэнтра працягваць дакументаваць парушэнні правоў чалавека, якія здзяйсняюцца ў Беларусі, будзе істотна абмежаваная, паколькі любы, хто супрацоўнічае з імі, цяпер пад рызыкай крымінальнага пераследу.

Дацкі інстытут супраць катаванняў заклікае беларускія ўлады адмяніць рашэнне аб прызнанні «Вясны» і ўсіх яе аддзяленняў «экстрэмісцкім фармаваннем»; неадкладна і безумоўна вызваліць усіх палітычных зняволеных і іншых асоб, затрыманых па палітычна матываваных абвінавачваннях у Беларусі, уключна з «вясноўцамі»; выконваць свае абавязацельствы ў галіне правоў чалавека, асабліва правы на жыццё, свабоды ад катаванняў і жорсткага абыходжання, у тым ліку сексуальны і гендарны гвалт, правы на справядлівае судовае разбіральніцтва і свабоды выказвання меркаванняў, сходаў і асацыяцый.

Акрамя гэтага, інстытут заклікае далучыцца да гэтых патрабаванняў міжнародную супольнасць, і ў прыватнасці Еўрапейскі Саюз і яго дзяржавы-сябры, а таксама Злучаныя Штаты і Злучанае Каралеўства, настойліва заклікаць Беларусь.

Публікуецца паводле сайту "Вясны"

See more news

Алесь Бяляцкі стаў лаўрэатам прэміі імя Аляхновіча
15 November 2023, 6:58 PM
Алесь Бяляцкі стаў лаўрэатам прэміі імя Аляхновіча
У Міжнародны Дзень пісьменніка ў зняволенні Беларускі ПЭН і "Радыё Свабода" абвясцілі пераможцаў і лаўрэатаў літаратурнай прэміі імя Францішка Аляхновіча за найлепшыя творы, напісаныя аўтарамі, якія былі зняволеныя.
Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»
15 November 2023, 11:15 AM
Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»
Сёлета лідарка дэмакратычных сіл Святлана Ціханоўская абвясціла 12 лістапада Днём салідарнасці з Беларуссю. З гэтай нагоды выказаўся праваабаронца «Вясны» Павел Сапелка.
Тлумачыць «Вясна»: Лячэнне, прымусовая праца ці ізаляцыя? Сістэму лячэбна-працоўных прафілакторыяў чакаюць вялікія змены
15 November 2023, 10:58 AM
Тлумачыць «Вясна»: Лячэнне, прымусовая праца ці ізаляцыя? Сістэму лячэбна-працоўных прафілакторыяў чакаюць вялікія змены
У студзені 2024 года змяняецца заканадаўства па пытаннях прымусовага лячэння і медыка-сацыяльнай рэадаптацыі грамадзян з алкагольнай і наркатычнай залежнасцямі.
Для даследвання беларускія эксперты просяць былых зняволеных і сваякоў асуджаных прайсці анкетаванне
15 November 2023, 10:52 AM
Для даследвання беларускія эксперты просяць былых зняволеных і сваякоў асуджаных прайсці анкетаванне
Беларускія юрысты, медыкі і псіхолагі аб'ядналіся, каб вывучыць, як функцыянуе турэмная медыцына і псіхалогія ў Беларусі, і якія змены патрэбныя пенітэнцыярнай сістэме, каб правы зняволеных выконваліся і злачыннасць зніжалася. Для даследавання яны просяць дапамогі ў былых зняволеных і сваякоў асуджаных: трэба прайсці анкетаванне.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці