Нарвежскі ПЭН прыняў у ганаровыя сябры Алеся Бяляцкага

27 May 2024, 1:10 PM
Нарвежскі ПЭН прыняў у ганаровыя сябры Алеся Бяляцкага

На гадавым сходзе Нарвежскага ПЭНа 15 траўня у ганаровыя сябры арганізацыі ўрачыста прынялі зняволенага праваабаронцу і лаўрэата Нобелеўскай прэміі міру Алеся Бяляцкага.

З абгрунтаваннем прапановы выступіў Ёрген Фрыднес, генеральны сакратар Нарвежскага ПЭНа, які  таксама з'ўяляецца і старшынёй Нарвежскага Нобелеўскага камітэту, піша "Радыё Свабода".

На сходзе таксама паказалі фрагменты фільма “Беларусь: апошняя дыктатура ў Еўропе” пра Алеся Бяляцкага з серыі 6 стужак аб праваабаронцах “Сэрца, якое ніколі не памрэ” (рэжысэры Эрлінг Борген і Том Гайнэман).

З падзячным словам на сходзе выступіла жонка Бяляцкага Наталля Пінчук.

Яна падзякавала творцам і нарвежскаму грамадству за разуменне і падтрымку свабодалюбных памкненняў беларусаў.

"Гэтую ўнутраную свабоду нясе ў сабе і Алесь, і ніякая турма і здзекі яго не зламаюць духоўна", — перакананая яна.

Наталля Пінчук расказала пра жыццёвы шлях Алеся Бяляцкага, які яшчэ ў пачатку 1980-х распаўсюджваў тэксты беларускіх пісьменнікаў і публіцыстаў, забароненыя ў СССР, і выпускаў з сябрамі ўласныя самвыдавецкія часопісы, а ў 1986 годзе, упершыню за пасляваенны час у савецкай Беларусі, кінуўшы выклік манаполіі камуністычнай улады, Алесь з аднадумцамі стварылі літаратурнае аб'яднанне "Тутэйшыя" дзеля свабоды беларускага мастацкага слова.

Яна расказала таксама пра палітычных зняволеных у Беларусі, у тым ліку пісменьнікаў і журналістаў.

"Ня ведаю, калі ўдасца перадаць Алесю вестку пра гонар, які аказаў яму Нарвежскі ПЭН. Але яна засведчыць, што пра яго памятае супольнасць творцаў і ўвесь свабодны свет. Пакажа яна і ўладам, што ў свеце Беларусь не забытая, пра Бяляцкага памятае Нарвегія, на зямлі якой ён атрымаў годнасць Нобэлеўскага лаўрэата", — сказала Наталля Пінчук і запатрабавала вызвалення беларускіх палітычных вязняў без усякіх умоваў.

See more news

Разъясняет БХК. Можно ли выложить поцелуй в Тик-Токе и стать распространителем порнографии?
25 June 2024, 8:50 AM
Разъясняет БХК. Можно ли выложить поцелуй в Тик-Токе и стать распространителем порнографии?
Разъяснения Беларусского Хельсинкского Комитета касательно постановления Министерства культуры N24, которое вносит изменения в Инструкцию «Об эротической продукции, продукции, содержащей элементы эротики, насилия и жестокости, продукции по сексуальному образованию и половому воспитанию, а также продукции сексуального назначения».
Горш толькі ў КНДР, Эрытрэі і Нікарагуа. Беларусь апынулася ў канцы рэйтынгу краін па ўзроўні свабоды слова
19 June 2024, 11:27 AM
Горш толькі ў КНДР, Эрытрэі і Нікарагуа. Беларусь апынулася ў канцы рэйтынгу краін па ўзроўні свабоды слова
У жыхароў Беларусі свабоды слова менш, чым у любой іншай краіне Эўропы. Ніжэй за Беларусь у рэйтынгу толькі Паўночная Карэя, Эрытрэя і Нікарагуа, вынікае з справаздачы міжнароднай праваабарончай арганізацыі Article 19.
Салідарнасць усёй Еўропы. З’езд ЕФЖ выказаў падтрымку беларускім журналістам за кратамі
19 June 2024, 10:12 AM
Салідарнасць усёй Еўропы. З’езд ЕФЖ выказаў падтрымку беларускім журналістам за кратамі
Удзельнікі з’езда Еўрапейскай федэрацыі журналістаў — лідары і прадстаўнікі журналісцкіх саюзаў і асацыяцый рэгіёна — прынялі ўдзел у акцыі салідарнасці з прадстаўнікамі і прадстаўніцамі медыя ў беларускіх турмах і ўкраінскімі журналістамі ў расійскім палоне.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці