«Прававыя летапісы». «Вясна» прэзентуе відэапраект аб правах чалавека ў гісторыі Беларусі

Статуты ВКЛ, паўстанне 1863, савецкія часы, феномен дысідэнства і 1990 гады... Як усе гэтыя падзеі звязаныя з правамі чалавека?

Адказ на гэтае пытанне шукайце ў новай серыі гістарычных відэа "Прававыя летапісы".  Вядучы — Юрась, гісторык і гід па Варшаве — адзначае:

"Гэта можна назваць відэа-лекцыямі, дзе ў простай форме і змястоўна перадаюцца асноўныя гістарычныя перыяды ў Беларусі, на фоне якіх паказана, як з’яўлялася, змянялася і развівалася права ў гісторыі Беларусі.

Для людзей, якія далёкія ад гісторыі, ці штосьці ведаюць, але хочуць штосьці цікавае ўспомніць — то [гэтыя відэа] будуць прыдатным матэрыялам".

Першае відэа прысвечана Статутам ВКЛ. У ім гледачы адшукаюць адказы на пытанні:

• Ці было Вялікае Княства Літоўскае прававой дзяржавай?

• Ці з’яўляецца статут ВКЛ канстытуцыяй?

• Ці ўсе былі ў тыя часы роўныя перад законам?

Глядзіце відэа на youtube-канале Праваабарончага цэнтра "Вясна" і дзяліцеся ім у сацсетах (калі для вас гэта бяспечна)!