Сусветная арганізацыя супраць катаванняў: "Вязні, як і раней, вельмі рызыкуюць захварэць на каронавірус"

01 April 2022, 1:49 PM
Сусветная арганізацыя супраць катаванняў: "Вязні, як і раней, вельмі рызыкуюць захварэць на каронавірус"

Сусветная арганізацыя супраць катаванняў (OMCT) у сакавіку выступіла з дакладам "Аспрэчванне пазбаўлення волі і барацьба з катаваннямі ў часы Covid-19", у якім сабрала вялікую колькасць разнастайных прававых і адвакацкіх стратэгій, што ўжываюцца юрыстамі і арганізацыямі грамадзянскай супольнасці ва ўсім свеце. У ім асвятляецца надзвычай важная роля, якую маюць адвакаты, юрысты і праваабарончыя арганізацыі ў абароне правоў зняволеных асобаў, аказанні дапамогі ахвярам і прыцягненні да адказнасці за неправамерныя дзеянні праваахоўных органаў у кантэксце выканання абмежаванняў грамадскай аховы здароўя, звязаных з пандэміяй.

"У той час як свет уваходзіць у трэці год пандэміі Covid-19, затрыманыя асобы па-ранейшаму сутыкаюцца з вялікай рызыкай і церпяць ад шматлікіх абмежаванняў іх правоў. Глабальная надзвычайная сітуацыя ў галіне аховы здароўя выявіла сістэмныя праблемы ў месцах зняволення ва ўсім свеце, такія як перапоўненасць, неадэкватнае медыцынскае абслугоўванне, дрэнныя санітарна-гігіенічныя ўмовы", — адзначаецца ў дакладзе, апублікаваным у сакавіку 2022 года Сусветнай арганізацыяй супраць катаванняў (OMCT).

У той жа час у якасці рэакцыі на пандэмію шматлікія ўрады ўвялі надзвычайнае становішча і выключныя меры, якія не адпавядаюць міжнародным нормам і стандартам у галіне правоў чалавека. Парушэнні правоў чалавека, уключаючы катаванні і іншыя жорсткія, нялюдскія ці прыніжальныя годнасць віды абыходжання і пакарання ў дачыненні да тых, хто парушае распараджэнні аб карантыне і локдаўне, зрабіліся звычайнай з'явай. Надзвычайныя меры, звязаныя з пандэміяй, таксама выкарыстоўваліся і працягваюць выкарыстоўвацца некаторымі ўрадамі дзеля далейшага абмежавання дзейнасці грамадзянскай супольнасці і праваабаронцаў.

Старшая дарадчыца па прававой палітыцы OMCT Хелена Сола Марцін адзначае, што "дзякуючы высілкам арганізацый грамадзянскай супольнасці тысячы зняволеных былі вызваленыя з перапоўненых месцаў пазбаўлення волі, дзяржавам не дазволілі пераследваць праваабаронцаў пад маркай грамадскага здароўя, а злоўжыванні праваахоўных органаў падчас локдаўнаў былі выкрытыя, аспрэчаныя і ў некаторых выпадках адмененыя".

Шмат якія з уключаных стратэгій абмяркоўваліся на серыі рэгіянальных і глабальных Лабараторый судовых працэсаў па пытаннях затрымання, катаванняў і права на абарону ў часы Covid-19, якія адбыліся ў лістападзе і снежні 2020 года, а таксама падчас наступных абменаў і сустрэч. У іх узялі ўдзел амаль 130 праваабаронцаў і адвакатаў, у тым ліку сябры груп судовых юрыстаў сеткі SOS-Torture Network, якая з'яўляецца ініцыятывай OMCT, запушчанай у 2019 годзе.

Паводле сайту "Вясны"

See more news

КПЧ ААН зарэгістраваў скаргу беларускі на крымінальную справу за ўдзел у Маршах у 2020-м
30 April 2024, 7:37 AM
КПЧ ААН зарэгістраваў скаргу беларускі на крымінальную справу за ўдзел у Маршах у 2020-м
Беларуска з дапамогай юрысткі «Вясны» паскардзілася ў Камітэт па правах чалавека ААН на крымінальную справу за ўдзел у пратэстнай акцыі.
«Репортеры без границ» призывают европейские страны увеличить поддержку белорусских СМИ в изгнании
15 April 2024, 12:41 PM
«Репортеры без границ» призывают европейские страны увеличить поддержку белорусских СМИ в изгнании
Белорусские журналисты, оказавшиеся в изгнании в Европе, сталкиваются с экономическими проблемами, которые угрожают выживанию их СМИ, говорится в докладе аналитического центра для профессионалов СМИ The Fix, и созданного организацией «Репортеры без границ» (RSF) фонда поддержки журналистики в изгнании JX Fund.
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
15 April 2024, 11:23 AM
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
Былы палітзняволены Зміцер Фурманаў падаў індывідуальны зварот супраць Беларусі ў Камітэт па правах чалавека ААН.
Прадстаўнікі журналісцкіх арганізацый Афрыкі запатрабавалі вызвалення беларускіх калег
15 April 2024, 11:05 AM
Прадстаўнікі журналісцкіх арганізацый Афрыкі запатрабавалі вызвалення беларускіх калег
Прадстаўнікі кантынентальнай сеткі AFEX па свабодзе слова і правах медыя ў Афрыцы далучыліся да Марафону салідарнасці са зняволенымі беларускімі журналістамі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці