Трыста еўрапейскіх палітыкаў сталі сімвалічнымі хроснымі бацькамі беларускіх палітвязняў

27 July 2022, 9:57 AM
Трыста еўрапейскіх палітыкаў сталі сімвалічнымі хроснымі бацькамі беларускіх палітвязняў

Кампанія салідарнасці з беларускімі палітвязнямі #WeStandBYyou, якую ладзіць праваабарончая арганізацыя Libereco, дасягнула важнай рысы: прадстаўніца партыі “Зялёных” Брыта Хасельман (Германія) стала 300-ым парламентарыям, які ўзяў на сябесімвалічнае хроснае бацькоўства над палітвязнем.

300 хросных з 17 еўрапейскіх краін ілюструюць бесперапынную і велізарную еўрапейскую салідарнасць з ахвярамі рэжыму Лукашэнкі. Наступная інфарграфіка паказвае ўсіх хросных бацькоў у межах кампаніі #WeStandBYyou:

Рэпрэсіі ў цені вайны ва Украіне

Аднак лічба ў 300 сімвалічных хросных таксама падкрэслівае масавыя рэпрэсіі супраць іншадумцаў у Беларусі: колькасць палітвязняў цяпер перавысіла 1250 чалавек. За ўдзел у акцыях пратэсту супраць фальсіфікацыі прэзідэнцкіх выбараў летам 2020 года людзей працягваюць саджаць у краты. У той жа час рэжым Аляксандра Лукашэнкі распраўляецца і з людзьмі, якія выступаюць супраць вайны ва Украіне і ўдзелу ў ёй Беларусі.

Зняволеныя з цяжкім станам здароўя

Рэжым Лукашэнкі не цураецца асуджаць цяжкахворых людзей на працяглыя тэрміны і ставіць іх у нечалавечыя ўмовы ўтрымання. Сярод нявінна затрыманых ёсць дзясяткі людзей, якія пакутуюць на цяжкія хваробы, такія як рак, хваробы сэрца або наступствы гвалту з боку сілавікоў дзяржбяспекі.

Цяпер у Беларусі каля 30 палітвязняў знаходзяцца ў небяспечным для жыцця стане. Падчас знаходжання пад вартай палітвязні не атрымліваюць належнай медыцынскай дапамогі, нават калі самі просяць аб гэтым кіраўніцтва турмы. Тым самым рэжым Лукашэнкі парушае беларускае заканадаўства і правы чалавека.

Брыта Хасэльман бярэ хроснае бацькоўства над хворым на рак Паўлам Кучынскім

Старшыня парламенцкай групы Альянс 90/Зялёныя ў нямецкім Бундэстагу Брыта Хасэльман узяла хроснае бацькоўства над Паўлам Кучынскім. 27-гадовы палітвязень хварэе на рак у невылечнай стадыі. Згодна з пастановай суда, Кучынскі павінен правесці наступныя 4,5 гады ў зняволенні без неабходнага лячэння.

Павел Кучынскі

Брыта Хасэльман кажа:

«Рэпрэсіі, самавольства, жорсткі гвалт і турэмнае зняволенне — гэта адказ Лукашэнкі ў Беларусі на імкненне многіх людзей да свабоды і дэмакратыі. Іх мужнасць і адданасць свабодзе, дэмакратыі і вяршэнству права ў Беларусі ўражваюць. Адзін з такіх адважных — Павел Кучынскі, які ў студзені 2022 года быў арыштаваны за каментары ў інтэрнэце і беспадстаўна асуджаны на пяць гадоў пазбаўлення волі ў калоніі агульнага рэжыму. Яго вінавацяць у тым ліку ў нібыта абразе прэзідэнта Рэспублікі Беларусь. Я заклікаю да неадкладнага вызвалення Паўла, хворага на невылечную стадыю раку, і ўсіх астатніх палітвязняў у Беларусі, якія толькі публічна адстойвалі сваё меркаванне.

#WeStandBYyou патрабуе вызвалення ўсіх палітвязняў!

Libereco будзе працягваць і пашыраць кампанію хроснага бацькоўства #WeStandBYyou да таго часу, пакуль рэжым Лукашэнкі працягвае рэпрэсіі супраць іншадумцаў і адвольна кідае ў турму гэтых невінаватых людзей як палітычных зняволеных. Разам з палітыкамі з усёй Еўропы мы патрабуем неадкладнага вызвалення ўсіх палітвязняў у Беларусі!

Арыгінальны артыкул на сайце "Ліберэка"

See more news

«Репортеры без границ» призывают европейские страны увеличить поддержку белорусских СМИ в изгнании
15 April 2024, 12:41 PM
«Репортеры без границ» призывают европейские страны увеличить поддержку белорусских СМИ в изгнании
Белорусские журналисты, оказавшиеся в изгнании в Европе, сталкиваются с экономическими проблемами, которые угрожают выживанию их СМИ, говорится в докладе аналитического центра для профессионалов СМИ The Fix, и созданного организацией «Репортеры без границ» (RSF) фонда поддержки журналистики в изгнании JX Fund.
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
15 April 2024, 11:23 AM
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
Былы палітзняволены Зміцер Фурманаў падаў індывідуальны зварот супраць Беларусі ў Камітэт па правах чалавека ААН.
Прадстаўнікі журналісцкіх арганізацый Афрыкі запатрабавалі вызвалення беларускіх калег
15 April 2024, 11:05 AM
Прадстаўнікі журналісцкіх арганізацый Афрыкі запатрабавалі вызвалення беларускіх калег
Прадстаўнікі кантынентальнай сеткі AFEX па свабодзе слова і правах медыя ў Афрыцы далучыліся да Марафону салідарнасці са зняволенымі беларускімі журналістамі.
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
10 April 2024, 8:52 AM
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
Рада па правах чалавека (РПЧ) ААН 4 красавіка на пасяджэнні 55-й сесіі ў Жэневе прыняла рэзалюцыю, якой працягнуа мандат Спецыяльнага дакладчыка па Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці