У Леаніда Судаленкі з’явіўся хросны бацька

Канстанцін фон Ноц (Konstantin von Notz), дэпутат Бундэстага Германіі, стаў «хросным бацькам» гомельскага праваабаронцы  Леаніда Судаленкі, падтрымаўшы ініцыятыву праваабарончай арганізацыі Ліберэка.

Нямецкі палітык пракаментаваў сваё рашэнне: «Леанід Судаленка, чыім хросным бацькам я маю гонар стаць, ужо больш за дваццаць гадоў змагаецца, дапамагаючы валанцёрскімі юрыдычнымі кансультацыямі беларусам, чые правы парушыла дзяржава.

Нягледзячы на ​​няспыны ціск уладаў, міжнародна прызнаны і ўзнагароджаны праваабаронца ніколі не пераставаў мужна і рашуча адстойваць сваіх суайчыннікаў.

Цяпер самы час выказаць салідарнасць з ім, як і з усімі іншымі актывістамі, якія кожны дзень змагаюцца за дэмакратычныя каштоўнасці, павагу правоў чалавека і вяршэнства закона.

Як дэмакрат я заклікаю да неадкладнага  вызвалення Леаніда Сулдаленкі і ўсіх іншых несправядліва зняволеных людзей у Беларусі.

Урад Беларусі павінен неадкладна спыніць гвалт, рэпрэсіі і адвольныя арышты, гарантаваць свабодныя і сумленныя выбары і, нарэшце, забяспечыць дэмакратыю і вяршэнства закона».

Пра іншых палітвязняў Беларусі, якія займелі хросных бацькаў сярод палітыкаў, чытайце на сайце Ліберэка.

Еўрапейскія палітыкі, якія становяцца хроснымі бацькамі беларускіх палітзняволеных, - гэта акцыя нямецка-швейцарскай праваабарончай арганізацыі Ліберэка, якая пачалася разам з пратэстамі і незаконнымі арыштамі ў Беларусі ў 2020 годзе.

Арыгінал артыкула (англ.)