Украінскія праваабаронцы падтрымалі зняволеных калег з Беларусі

20 снежня, у Міжнародны дзень салідарнасці людзей, удзельнікі трэнінгу "Міжнароднае гуманітарнае права" далучыліся да акцыі Human Rights House Foundation  па напісанні паштовак палітзняволеным праваабаронцам Беларусі, якія цяпер у няволі.

Пра гэта паведамляе на сваёй старонцы ў Фэйсбуку Дом правоў чалавека "Крым".

Паштоўкі праваабаронцам "Вясны" падпісвалі прадстаўнікі чатырох украінскіх арганізацый:

 ЦГП "Альменда"/CCE "Almenda",

 ZMINA. Центр прав людини, 

Regional Center for Human Rights, 

Крымская праваабарончая група/Crimean Human Rights Group.

Сёння у зняволенні па палітычна матываваных крымінальных справах знаходзяцца сем прадстаўнікоў Праваабарончага цэнтра "Вясна": кіраўнік арганізацыі Алесь Бяляцкі, яго намеснік Валянцін Стэфановіч, юрыст Уладзімір Лабковіч, каардынатарка Валанцёрскай службы Марфа Рабкова, кіраўнік Гомельскага аддзялення Леанід Судаленка, валанцёры Таццяна Ласіца і Андрэй Чапюк.

Артыкул з сайту "Вясны"