Вакансія ў Беларускім доме правоў чалавека: каардынатар(ка) па субгрантах

19 December 2023, 10:20 AM
Вакансія ў Беларускім доме правоў чалавека: каардынатар(ка) па субгрантах

Абноўлена 9 студзеня 2024 г.: дзякуй, рэзюмэ больш не прымаюцца.

Тып занятасці: 50 % занятасці да 31 красавіка 2025 (з магчымасцю працягу).

Арганізацыя: Беларускі дом правоў чалавека імя Барыса Звозскава. 

Месца працы: Вільня, Літва.

Аплата: Ад 600 еўра пасля аплаты падаткаў (у залежнасці ад досведу і кампетэнцыяў).

Апісанне пазіцыі: каардынатар па субгрантах дапамагае менеджэру праекта і грант-менеджэру ладзіць конкурсы па субгрантынгу, маніторыць дзейнасць і справаздачнасці па субгрантах; правяраць фінансавыя дакументы на адпаведнасць зацверджанаму бюджэту і выконваць іншыя функцыі. Асістэнт падпарадкоўваецца менеджэру праекта і каардынатару па субгрантах БДПЧ.

Абавязкі:

  • збіраць заяўкі па субгрантынгу, правяраць іх на адпаведнасць умовам конкурсаў і перадаваць грант-менеджэру і праектнаму менеджэру з каментарамі на іх адпаведнасць першасным крытэрам адбору;

  • фармаваць ацэнкавыя табліцы і інструкцыі для камісіі па субгрантынгу;

  • дакладаць на паседжанні камісіі па субгрантынгу (пры неабходнасці);

  • паведамляць ўсім заяўнікам грантаў аб прынятых рашэннях датычна іх заявак, а таксама ўмоваў і тэрмінаў справаздачнасці;

  • пісаць разгорнутую зваротную сувязь заяўнікам, якія не атрымалі фінансаванне;

  • пад кіраўніцтвам грант-менеджэра арганізоўваць перадачу сродкаў атрымальнікам грантаў, якая адбываецца ў Вільні падчас прыезда атрымальнікаў гранта; 

  • аказваць тэхнічную дапамогу ў арганізацыі навучання па фандрэйзінгу і праектным менеджмэнце, што можа ўключаць арганізацыю лагістыкі, матэрыялаў, тэхнічнага забеспячэння навучальнага працэса, і іншае;

  • валодаць ўсёй інфармацыяй па праектах, якія рэалізуюцца ў межах субгрантынгу (мэты, задачы, тэрміны, мерапрыемствы) і разам з грант-менеджерам наладжваць сістэму маніторынгу дзейнасці;

  • перыядычна кантактаваць і сустракацца з атрымальнікамі субгрантаў;

  • браць удзел у мерапрыемствах субгранцёраў, запланаваных у межах субгрантаў, з мэтай верыфікацыі; 

  • узгадняць прыезд атрымальнікаў грантаў ў Вільню, дзе супольна з грант-менеджэрам прымаць справаздачы ад субгрантераў; 

  • аказваць метадычную і іншую кансультацыйную дапамогу як заяўнікам грантаў, так і атрымальнікам і адказваць на пытанні атрымальнікаў;

  • адсочваць тэрміны падачы справаздач па праектах і нагадваць атрымальнікам пры затрымках больш чым на тры дні; 

  • правяраць наратыўныя справаздачы па субгрантах і, разам з грант-менеджэрам, супастаўляць наратыўныя і фінансавыя справаздачы;

  • інфармаваць субгранцёраў аб зацвярджэнні/не зацвярджэнні справаздачаў; 

  • весці пільны ўлік усіх зменаў у праектах і ўносіць іх у адпаведныя інструменты;

  • своечасова інфармаваць грант-менеджера і праектнага менеджэра пра ўсе узнікаючыя праблемы;

  • пад кіраўніцтвам праектнага менеджэра рыхтаваць выніковую справаздачу па праграме дапамогі трэцім асобам праз субгрантынг;

  • разам з менеджэрам праекта даваць ацэнку дасягненню вынікаў дзеля забеспячэння максімальнага эфекту субгранта;

  • выконваць іншыя абавязкі, якія непасрэдна звязаныя з субгрантынгам у рамках праекта. 

Патрабаванні да спецыяліста(кі):

  • досвед праектнай дзейнасці, бюджэтавання і справаздачнасці (не меней за 2 гады); 

  • добрае разуменне логікі праектаў (мэты, актыўнасці, прадукты, вынікі, індыкатары) і ацэнкі справаздачаў;

  • досвед працы з субгрантамі/грантамі і/альбо фінансавага менеджмэнта будзе пажаданы;

  • выдатнае валоданне MS Excel / Google Sheets, пажадана валоданне іншымі прадуктамі MS Office;

  • валоданне пісмовай беларускай, рускай і ангельскай мовамі;

  • уменне і жаданне вучыць і імплементаваць новыя прадукты праграмнага забяспечання для падвышэння эфектыўнасці дзейнасці;

  • жаданне ўдзельнічаць у абнаўленні і распрацоўцы арганізацыйных працэсаў;

  • уменне весці публічную працу з грамадскасцю будзе пажадана;

  • разуменне асаблівасцяў працы арганізацый грамадскай супольнасці і ініцыятыў у Беларусі і замежжы;

  • адказнасць, уважлівасць да дэталяў, ветлівасць і здольнасць захоўваць спакой у працы з людзьмі.

Як падацца?

Зацікаўленых просім даслаць CV на беларускай, рускай ці ангельскай мове на адрас  director@belhumanrights.house з пазнакай назвы вакансіі “Каардынатар па субгрантах” у тэме. 

Нават калі вы не адпавядаеце ўсім пералічаным патрабаванням, але маеце высокую матывацыю, мы заахвочваем вас падаць заяўку.

Таксама пазначце, калі ласка, дзве асобы, хто мог бы даць рэкамендацыю вашай кандыдатуры, з кантактамі (e-mail, мабільны нумар, мэсэнджэры). Па змаўчанні мы пакідаем за сабой права адказаць на заяўку толькі ў выпадку яе адпаведнасці крытэрам і для запрашэння кандыдатаў на сумоўе.

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці