«Вясна» атрымала прэмію «за чалавечую годнасць» ад Міністэрства замежных спраў Польшчы

17 December 2021, 11:28 AM
«Вясна» атрымала прэмію «за чалавечую годнасць» ад Міністэрства замежных спраў Польшчы

Праваабарончы цэнтр "Вясна" стаў лаўрэатам прэміі Міністэрства замежных спраў Польшчы "За чалавечую годнасць" (Pro Dignitate Humana).

10 снежня міністр замежных спраў Польшчы Збігнеў Раў павіншаваў праваабаронцаў "Вясны" з атрыманнем прэміі. Уручаючы ўзнагароду, ён падкрэсліў, што Польшча падтрымлівае беларускае грамадства ў барацьбе за свабоду і дэмакратыю, і падзякаваў супрацоўнікаў «Вясны», дзякуючы якім свет даведаецца пра жорсткія рэпрэсіі і пераслед грамадзян, якія адбываюцца ў Беларусі. Міністр Раў таксама адзначыў, што ўзнагарода з'яўляецца выказваннем падзякі сем'ям ахвяр і самім ахвярам жнівеньскіх падзей 2020 года ў Беларусі.

rau_pro_dignitate_humana.jpgЗбігнеў Раў. Фота: Tymon Markowski, MSZ

У сваю чаргу, праваабаронцы "Вясны" нагадалі, што будуць працягваць сваю дзейнасць, нягледзячы на рэпрэсіі і крымінальны пераслед калегаў.

"Мы будзем змагацца за вызваленне нашых калегаў, а таксама ўсіх палітычных зняволеных Беларусі. Мы будзем рабіць усё магчымае для таго, каб правы чалавека і чалавечая годнасць сталі галоўнай каштоўнасцю і мэтай беларускай дзяржавы і беларускага грамадства".

viasna_pro_dignitate_humana.jpgПраваабаронцы "Вясны" падчас ўручэння прэміі. Фота: Tymon Markowski, MSZ

Прэмія Pro Dignitate Humana пачынаючы з 2011 года прысуджаецца асобе ці няўрадавай арганізацыі за самаадданыя і бескампрамісныя намаганні па абароне правоў тых, хто падвяргаецца пераследам або рэпрэсіям. Узнагарода адлюстроўвае непахісную прыхільнасць абароне правоў асобы і чалавечай годнасці. Першым лаўрэатам прэміі ў 2011 года стаў старшыня Праваабарончага цэнтру Алесь Бяляцкі, які ў той момант так жа, як і цяпер, знаходзіўся ў следчым ізалятары ў чаканні суда па крымінальнай справе. Таксама лаўрэатамі прэміі станавіліся расійскае таварыства "Мемарыял", праваабаронца Людміла Аляксеева, украінскі кінарэжысёр і пісьменнік Алег Сянцоў і іншыя праваабаронцы.

Арыгінал артыкула на сайце "Вясны"

See more news

Абсерваторыя абароны праваабаронцаў пратэстуе супраць прысуду Вользе Гарбуновай
10 May 2022, 9:25 AM
Абсерваторыя абароны праваабаронцаў пратэстуе супраць прысуду Вользе Гарбуновай
Абсерваторыя па абароне праваабаронцаў (партнёрства OMCT і FIDH) выступіла са зваротам, дзе асуджае прысуд актывістцы Вользе Гарбуновай і патрабуе зняць з яе абвінавачванні.
Свабоду Марфе Рабковай! Кафкіянскі працэс супраць «Вясны» напярэдадні яе 26-годдзя
25 April 2022, 11:19 AM
Свабоду Марфе Рабковай! Кафкіянскі працэс супраць «Вясны» напярэдадні яе 26-годдзя
Сёння пачынаецца суд над вясноўцамі Рабковай і Чапюком. Праваабарончыя арганізацыі ўсяго свету выступілі з заявай з гэтай нагоды.
Абсерваторыя па абароне праваабаронцаў заклікае да тэрміновых мераў праз пагаршэнне здароўя Марфы Рабковай
13 April 2022, 3:56 PM
Абсерваторыя па абароне праваабаронцаў заклікае да тэрміновых мераў праз пагаршэнне здароўя Марфы Рабковай
Абсерваторыя па абароне праваабаронцаў (праект Сусветнай арганізацыі супраць катаванняў (OMCT) і Міжнароднай федэрацыі за правы чалавека (FIDH) атрымала новую інфармацыю пра стан палітзняволенай Мафры Рабковай і просіць тэрміновага ўдзелу ў гэтую сітуацыю ў Беларусі.
Human Constanta: «Репрессии против правозащитников равносильны объявлению вне закона всей правозащитной деятельности»
15 February 2022, 9:49 AM
Human Constanta: «Репрессии против правозащитников равносильны объявлению вне закона всей правозащитной деятельности»
Правозащитная организация Human Constanta проанализировала условия, в которых приходится действовать правозащитникам в разгар политического кризиса, и подготовила обзор репрессивной политики, чтобы заставить правозащитников замолчать.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці