Як далучыцца да кампаніі #FreeViasna?

15 September 2021, 7:40 AM
Як далучыцца да кампаніі #FreeViasna?

17 верасня пачынаецца міжнародная кампанія салідарнасці ў падтрымку зняволеных праваабаронцаў “Вясны” - #FreeViasna.

Расказваем, як да яе далучыцца ў Беларусі і па-за межамі.

Гэтая дата абраная не выпадкова: 17 верасня 2020 года па дарозе дадому з урачыстага ўручэння прэміі імя Яна Карскага была затрыманая прадстаўніца "Вясны" Марфа Рабкова. На працягу году ціск на праваабаронцаў толькі ўзмацняўся: было ўзбуджана некалькі крымінальных спраў, праводзіліся шматлікія ператрусы, сябраў “Вясны” затрымлівалі, а некаторых пры гэтым збівалі, выклікалі на допыты нават тых, хто даўно не мае дачынення да арганізацыі.

Сёння за кратамі сямёра вясноўцаў:

  • старшыня арганізацыі Алесь Бяляцкі;

  • намеснік старшыні Валянцін Стэфановіч;

  • каардынатар кампаніі "Праваабаронцы за свабодныя выбары" Уладзімір Лабковіч;

  • каардынатарка Валанцёрскай службы Марфа Рабкова;

  • кіраўнік Гомельскага аддзялення "Вясны" Леанід Судаленка;

  • валанцёрка з Рэчыцы Таццяна Ласіца;

  • валанцёр з Мінску Андрэй Чапюк.

Шмат год яны дапамагалі людзям у адстойванні і абароне іх правоў і грамадскіх інтарэсаў, аналізавалі сітуацыю з правамі чалавека ў Беларусі, рыхтавалі і падавалі скаргі і справаздачы ў ААН, прымалі ўдзел у яе сесіях, выпрацоўвалі рэкамендацыі да ўладаў Беларусі, падтрымлівалі стасункі з праваабарончымі арганізацыямі ўсяго свету, атрымоўвалі прэстыжныя ўзнагародны за сваю дзейнасці. А цяпер – салідарнасць і падтрымка патрэбная ім самім!

Мы заклікаем далучыцца да кампаніі па іх вызваленні і зрабіць тыя дзеянні, якія вам даступныя:

  1. арганізаваць мітынг, шэсце ці пікет 17 верасня ў падтрымку “вясноўцаў”;

  2. распаўсюджваць інфармацыю пра зняволеных праваабаронцаў і кампанію па іх вызваленні #FreeViasna;

  3. зрабіць фота з банэрамі, постэрам кампаніі і размясціць у сацыяльных сетках з хэштэгам #FreeViasna;

  4. напісаць адкрыты ліст да зняволеных праваабаронцаў і даслаць яго на пошту freeviasna@gmail.com (мы змесцім яго ў нашых сацсетках);

  5. падпісаць паштоўкі салідарнасці і наўпрост даслаць іх “вясноўцам” (у тым ліку можна зрабіць гэта праз Майстэрню паштовак салідарнасці);

  6. прыдумаць і рэалізаваць іншае дзеянне з патрабаваннем аб вызваленні праваабаронцаў “Вясны”.


Хто такія праваабаронцы?

Праваабаронцы – людзі, якія індывідуальна ці сумесна выступаюць у абарону грамадскіх, палітычных, сацыяльных, эканамічных правоў і асноўных свабодаў на мясцовым, нацыянальным і міжнародным узроўнях, з’яўляюцца пасярэднікамі паміж дзяржавай і грамадзянамі – абараняюць правы апошніх, калі яны парушаюцца прадстаўнікамі дзяржавы. У сваёй дзейнасці праваабаронцы кіруюцца прынцыпамі ўніверсальнасці правоў чалавека для ўсіх без якога-небудзь адрознення і абараняюць правы чалавека мірнымі сродкамі.

Артыкул узяты з сайта "Вясны"

See more news

"Международная амнистия": Потребуйте освободить Марфу Рабкову
23 September 2021, 5:50 PM
"Международная амнистия": Потребуйте освободить Марфу Рабкову
Правозащитная организация "Международная амнистия" начала кампанию с требованием освободить правозащитницу, координатора волонтерской службы "Весны" Марфу Рабкову.
Хью Уильямсон: «Правительство Александра Лукашенко объявило войну гражданскому обществу и безжалостно подавляет любое инакомыслие»
23 September 2021, 4:10 PM
Хью Уильямсон: «Правительство Александра Лукашенко объявило войну гражданскому обществу и безжалостно подавляет любое инакомыслие»
23 правозащитные организации, включая Human Rights Watch, объединились в рамках кампании за освобождение семи членов беларуского правозащитного центра «Вясна» и сотен других фигурантов политически мотивированных уголовных дел.
Міжнародныя праваабарончыя арганізацыі патрабуюць вызвалення сябраў "Вясны"
17 September 2021, 5:38 AM
Міжнародныя праваабарончыя арганізацыі патрабуюць вызвалення сябраў "Вясны"
У першую гадавіну рэпрэсій супраць Праваабарончага цэнтра "Вясна" больш за 20 міжнародных і беларускіх праваабарончых арганізацый пачынаюць кампанію з патрабаваннем вызваліць затрыманых сябраў "Вясны" і прыцягнуць увагу да цяжкага становішча сотняў іншых зняволеных, якія апынуліся за кратамі за ажыццяўленне свайго права на мірны сход і свабоду слова.
Праваабаронцы запускаюць міжнародную кампанію #FreeViasna
13 September 2021, 3:29 PM
Праваабаронцы запускаюць міжнародную кампанію #FreeViasna
6 і 7 верасня ў Вільнюсе (Літва) адбывалася каардынацыйная сустрэча, прысвечаная падтрымцы зняволеных праваабаронцаў “Вясны”, - #FreeViasna.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці