Запрашаем на адукацыйны курс у Страсбургу: Жывая дэмакратыя праз удзел моладзі

Беларускі нацыянальны моладзевы савет “РАДА” запрашае далучыцца да адукацыйнага курса «Жывая дэмакратыя праз удзел моладзі», які пройдзе з 2 па 7 кастрычніка ў Еўрапейскім моладзевым цэнтры ў Страсбургу. Гэты курс накіраваны на тое, каб надаць маладым лідарам_кам навыкі, неабходныя для прасоўвання зменаў, адвакатавання дэмакратыі і эфектыўнага ўдзелу ў дэмакратычных працэсах.

Што будзе?

• Асновы дэмакратыі, правоў чалавека і вяршэнства закона: зразумееце ключавыя паняцці дэмакратычнага грамадзянства і адукацыі ў галіне правоў чалавека.

• Стандарты і прынцыпы ўдзелу моладзі: вывучыце асновы ўдзелу моладзі ў дэмакратычных працэсах.

• Лідэрства для дэмакратычнага ўдзелу моладзі: падвысце лідарскія якасці, каб стымуляваць дэмакратычныя змены.

• Падтрымка змен праз удзел моладзі: вывучыце падыходы і рэсурсы для падтрымкі дэмакратычных пераўтварэнняў.

• Далейшыя ініцыятывы і меры падтрымкі: адкрыйце для сябе шляхі далейшага прасоўвання дэмакратычных каштоўнасцяў.

Профіль удзельніка_цы:

Мы шукаем матываваных людзей, якія:

• Падзяляюць такія каштоўнасці Рады Еўропы як дэмакратыя, правы чалавека і вяршэнства закона

• Спрыяюць дэмакратычнаму ўдзелу моладзі ў Беларусі

• Актыўныя ў моладзевых і грамадзянскіх ініцыятывах у Беларусі ці краінах-сябрах Рады Еўропы

• Ва ўзросце ад 18 да 30 гадоў (магчымыя выключэнні, калі гэта абгрунтавана)

• Валодаюць ангельскай, беларускай або рускай мовамі

Практычныя дэталі:

Выдаткі на праезд: кампенсуюцца Радай Еўропы ў адпаведнасці з правіламі.

Пражыванне: прадастаўляецца ў Еўрапейскім моладзевым цэнтры ў Страсбургу.

Працоўныя мовы: англійская, беларуская, руская з сінхронным перакладам.

Працэс падачы заяўкі:

Падаць заяўку можна на сайце https://youthapplications.coe.int.

Прыярытэт аддаецца заяўкам, пададзеным да 22 жніўня 2023 г.

Апошні тэрмін падачы заявак: 28 жніўня 2023 г., 23:59 (CET).

Адабраныя кандыдаты_кі атрымаюць інфармацыю да 5 верасня 2023 г.

Па пытаннях звяртайцеся да нас па адрасе eyc.programme@coe.int. 

Далучайцеся да стварэння яркай будучыні для Беларусі праз дэмакратычны ўдзел моладзі!

Арыгінальная публікацыя на сайце "Рады"