Заява БАЖ. Прысуд Сяргею Сацуку — помста аднаму з лепшых беларускіх журналістаў-расследавальнікаў за прафесійную працу

27 October 2022, 9:56 AM
Заява БАЖ. Прысуд Сяргею Сацуку — помста аднаму з лепшых беларускіх журналістаў-расследавальнікаў за прафесійную працу

Суддзя Мінскага гарадскога суда Святлана Бандарэнка пакарала рэдактара інтэрнэт-выдання “Ежедневник” 8 гадамі калоніі агульнага рэжыму па сукупнасці трох крымінальных абвінавачанняў: арт. 130 “Распальванне варожасці”, арт. 426 “Перавышэнне ўлады альбо службовых паўнамоцтваў”, арт. 430 “Атрыманне хабару”.

Сяргея Сацука затрымалі 8 снежня 2021 года паводле ранейшай справы аб нібыта атрыманні хабару, у доме журналіста і ў рэдакцыі выдання прайшлі ператрусы, сайт выдання быў заблакаваны Міністэрствам інфармацыі. Яшчэ ў 2020 годзе Беларуская асацыяцыя журналістаў адназначна называла гэтую справу надуманай і скіраванай на спыненне працы аднаго з лепшых беларускіх журналістаў-расследавальнікаў.

Пасля другога арышту ўлады высунулі супраць Сяргея Сацука абвінавачанні яшчэ па двух артыкулах крымінальнага кодэкса, “знайшоўшы” ў матэрыялах журналіста “распальванне варожасці”, а ў дзеяннях Сацука як рэдактара “перавышэнне ўлады альбо службовых паўнамоцтваў”.

Беларуская асацыяцыя журналістаў перакананая, што органы следства і суд адвольна прымянілі супраць Сацука крымінальны пераслед, імкнучыся адпомсціць журналісту за ягоныя рэзанансныя расследаванні.

БАЖ патрабуе адмены прысуду і неадкладнага вызвалення Сяргея Сацука, а таксама усіх 32 прадстаўнікоў і прадстаўніц медыя, якія на сёння знаходзяцца за кратамі ў Беларусі.

Арыгінал заявы на сайце БАЖ

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці