Заява БАЖ. Выракі па «Справе БелаПАН» – помста за прафесійную працу і пазіцыю
)
Мінскі абласны суд вынес вялікія турэмныя тэрміны па крымінальнай справе супраць супрацоўнікаў найстарэйшага недзяржаўнага інфармацыйнага агенцтва БелаПАН.
Былому намесніку дырэктара інфармагенцтва Андрэю Аляксандраву вырак — 14 гадоў пазбаўлення волі (яго прызналі вінаватым у арганізацыі пратэстаў, ухіленні ад выплаты падаткаў, стварэнні "экстрэмісцкага фармавання БелаПАН" альбо ўдзеле ў ім і ў здрадзе дзяржаве).
Ягонай жонцы Ірыне Злобінай вырак — 9 гадоў пазбаўлення волі (абвінавацілі ў арганізацыі пратэстаў і здрадзе дзяржаве).
Былому дырэктару БелаПАН Дзмітрыю Наважылаву вырак — 6 гадоў пазбаўлення волі (абвінавацілі ва ўхіленні ад выплаты падаткаў і стварэнні "экстрэмісцкага фармавання БелаПАН").
Галоўнай рэдактарцы Ірыне Леўшынай вырак — 4 гады пазбаўлення волі (прыўналі вінаватай у стварэнні "экстрэмісцкага фармавання БелаПАН" альбо ўдзеле ў ім).
Беларуская асацыяцыя журналістаў ад першага дня пераследу лічыць крымінальную справу БелаПАН цалкам палітычна матываванай. Прадстаўнікі выдання абсалютна законна выконвалі свае прафесійныя абавязкі і да самога арышту заставаліся прыкладам высокага стандарту беларускай журналістыкі. Мы перакананыя, што пераслед супрацоўнікаў БелаПАН прывёў да заўчаснай смерці ў 2018 годзе заснавальніка і кіраўніка інфармагенцтва Алеся Ліпая.
Завядзенне крымінальнай справы і агромністыя выракі па “справе БелаПАН” — нішто іншае, як помста прадстаўнікам медыя за сумленную працу і пазіцыю.
Беларуская асацыяцыя журналістаў рашуча пратэстуе супраць расправы над калегамі і патрабуе неадкладнага вызвалення ўсіх трыццаці прадстаўнікоў медыя, якія на сёння знаходзяцца за кратамі.
See more news
)
)
)
)
)
Атрымаць падтрымку
