Заява праваабаронцаў аб прызнанні сямі палітычных зняволеных (Надзея Полькіна і іншыя)

22 August 2022, 7:31 AM
Заява праваабаронцаў аб прызнанні сямі палітычных зняволеных (Надзея Полькіна і іншыя)

На фота: Надзея Полькіна

Заява прадстаўнікоў беларускай праваабарончай супольнасці

19 жніўня 2022 г.

У сувязі з павелічэннем колькасці выпадкаў асуджэння і пазбаўлення волі грамадзянаў краіны па шэрагу дыфамацыйных артыкулаў Крымінальнага кодэкса Рэспублікі Беларусь, а таксама ў сувязі са знявагай дзяржаўных сімвалаў Рэспублікі Беларусь ды і іншымі дзеяннямі, накіраванымі на правамерную реалізацыю свабоды выказвання меркаванняў, мы, прадстаўнікі беларускай праваабарончай супольнасці патрабуем спыніць пераслед правамерных форм выказвання меркаванняў, і ў  чарговы раз пацвярджаючы свае неаднаразова выказаныя патрабаванні па дэкрыміналізацыі дыфамацыі і недапушчальнасці пазбаўлення волі грамадзян за абразу службовых асобаў, дзяржавы, дзяржаўных органаў і сімвалаў (супольная заява ад 22 снежня 2020 г.), адзначаем наступнае:

Намі атрыманая інфармацыя пра наступных асобаў, пазбаўленых волі за абразу А. Лукашэнкі, прадстаўнікоў улады (супрацоўнікаў міліцыі), суддзяў і знявагу дзяржаўных сімвалаў:

  1. Надзея Полькіна, асуджана па арт.368 КК за абразу А. Лукашэнкі да 2 гадоў папраўчай калоніі;

  2. Вольга Скрашчук, узята пад варту паводле арт. 369 і 130 КК за каментары пасля забойства супрацоўніка КДБ Федасюка і it-спецыяліста Андрэя Зельцэра;

  3. Іна Можчанка, узята пад варту паводле арт. 369 і 130 КК за каментары пасля забойства супрацоўніка КДБ Федасюка і it-спецыяліста Андрэя Зельцэра;

  4. Сяргей Самуль, асуджаны па арт. 391, 368, 369 за абразу суддзі, А. Лукашэнкі і чыноўнікаў да 2 гадоў папраўчай калоніі;

  5. Аляксей Мацявін, узяты пад варту па арт. 368 КК за абразу А. Лукашэнкі ў каментарах;

  6. Георгій Герыловіч, узяты пад варту па арт. 368 КК за абразу А. Лукашэнкі ў каментарах;

  7. Сяргей Цыгіб, асуджаны па арт. 203-1 (Незаконныя дзеянні ў дачыненні да інфармацыі аб прыватным жыцці), арт. 368 (Абраза А. Лукашэнкі), арт. 369 КК (Абраза прадстаўніка ўлады) Крымінальнага кодэксу за “клас” пад відэа ў Аднакласніках.

У сувязі з гэтым мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”, і патрабуем ад уладаў Беларусі:

  1. Неадкладна вызваліць палітвязняў Наталлю Полькіну, Вольгу Скрашчук, Іну Можчанка, Сяргея Самуля, Аляксея Мацявіна, Георгія Герыловіча, Сяргея Цыгіба і спыніць крымінальны пераслед у дачыненні да іх.

  2. Прыняць захады, скіраваныя на дэкрыміналізацыю дыфамацыйных правапарушэнняў і адмену артыкулаў Крымінальнага кодэкса, якія прадугледжваюць адказнасць за абразу дзяржавы, дзяржаўных сімвалаў і службовых асобаў, а менавіта – арт. 188, 189, 367, 368, 369, 369-1, 370, 391 Крымінальнага кодэкса Рэспублікі Беларусь, і спыніць усе раней узбуджаныя па дадзеных артыкулах крымінальныя справы.

  3. Неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Прававая ініцыятыва;

Беларускі Хельсінкскі камітэт;

Беларускі дом правоў чалавека імя Барыса Звозскава;

Беларускі ПЭН. 

Share

See more news

У беларускіх палітвязняў з’явіліся новыя «хросныя» з Нідэрландаў, Латвіі ды Германіі
26 June 2025, 1:49 PM
У беларускіх палітвязняў з’явіліся новыя «хросныя» з Нідэрландаў, Латвіі ды Германіі
У межах кампаніі #WeStandBYyou Іса Кахраман, Юргіс Клоціньш і Канстанцін фон Нотц узялі на сябе сімвалічнае "шэфства" над беларускімі палітвязнямі Дзмітрыем Слуком, Генрыхам (Генадзем) Акалатовічам і Людмілай Чэкінай.
Холад і голад — галоўныя прычыны хваробаў. У якіх умовах утрымлівалі вызваленых палітвязняў
26 June 2025, 1:37 PM
Холад і голад — галоўныя прычыны хваробаў. У якіх умовах утрымлівалі вызваленых палітвязняў
Сабралі выказваннні вызваленых палітвязняў пра ўмовы ўтрымання ў беларускіх калоніях і СІЗА, а таксама пра іх вызваленне.
У рэйтынгу свабоды слова Беларусь апярэджвае толькі Нікарагуа і Паўночную Карэю — справаздача Article 19
26 June 2025, 11:13 AM
У рэйтынгу свабоды слова Беларусь апярэджвае толькі Нікарагуа і Паўночную Карэю — справаздача Article 19
Па ўзроўні свабоды слова Беларусь займае 159‑е месца ў свеце з 161, вынікае са штогадовай справаздачы праваабарончай арганізацыі Article 19.
«Репортеры без границ» приветствуют освобождение Игоря Карнея
26 June 2025, 11:02 AM
«Репортеры без границ» приветствуют освобождение Игоря Карнея
Организация «Репортеры без границ» (RSF) высказывает глубокое облегчение и призывает к немедленному освобождению 94 их коллег, заключенных в тюрьмы Россией и Беларусью.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці