Заява заснавальнікаў установы «Лекары за праўду і справядлівасць» з прычыны прызнання экстрэмісцкім фарміраваннем

09 May 2024, 11:53 AM
Заява заснавальнікаў установы «Лекары за праўду і справядлівасць» з прычыны прызнання экстрэмісцкім фарміраваннем

ЗАЯВА
заснавальнікаў Публічнай установы “Лекары за праўду і справядлівасць”

Сёння стала вядома, што 3 мая 2024 года КДБ Беларусі прызнаў калектыў установы “Лекары за праўду і справядлівасць” экстрэмісцкім фарміраваннем.

Нам не вядомыя факты, на падставе якіх работнікі КДБ вызначылі экстрэмісцкі характар нашай дзейнасці. У традыцыйным для сучаснай Беларусі стылі рашэнне было прынятае ў пазасудовым парадку, а заснавальнікі не мелі магчымасці азнаёміцца з матэрыяламі справы.

Установа “Лекары за праўду і справядлівасць” займаецца даследаваннем і абмеркаваннем грамадска значных праблем, дае пляцоўкі для публічных выказванняў экспертам, спецыялістам, грамадзянам, ладзіць дыскусіі на тэмы пенітэнцыярнага здароўя.

Пенітэнцыярная сістэма ў любой дзяржаве павінна быць даступнай грамадзянскаму кантролю. Наяўныя ў публічнай прасторы шматлікія сведчанні парушэнняў як нацыянальнага, так і міжнароднага заканадаўства, у тым ліку стварэння бесчалавечных умоў утрымання, прымянення катаванняў, парушэнняў пратаколаў і правілаў аказання медыцынскай і псіхалагічнай дапамогі абвінавачаным і асуджаным у беларускіх вязніцах, патрабуюць тэрміновага расследавання і неадкладнага эфектыўнага рэагавання.

Мы трактуем прынятае работнікамі КДБ рашэнне як незаконнае, якое не адпавядае нормам нацыянальнага і міжнароднага права.

Мы рэкамендуем супрацоўнікам КДБ выконваць свае асноўныя функцыі: засяродзіцца на выкананні заканадаўства, накіраванага на гарантаванне бяспекі грамадзян, а не на прыдумванні ўяўных ворагаў для захавання ўлады аднаго чалавека. Такія вашы дзеянні з’яўляюцца незаконнымі па сваёй сутнасці і знішчаюць нацыянальныя інтарэсы па сваіх наступствах.

Выконваючы грамадзянскі абавязак перад сваёй краінай, мы працягваем настойліва і паслядоўна працаваць, каб у Рэспубліцы Беларусь дзейнічаў Закон, перамагалі праўда і справядлівасць.

Прынята на сходзе заснавальнікаў 8.05.2024 года

Арыгінальная публікацыя на сайце "Лекараў за праўду і справядлівасьць"

See more news

Разъясняет БХК. Можно ли выложить поцелуй в Тик-Токе и стать распространителем порнографии?
25 June 2024, 8:50 AM
Разъясняет БХК. Можно ли выложить поцелуй в Тик-Токе и стать распространителем порнографии?
Разъяснения Беларусского Хельсинкского Комитета касательно постановления Министерства культуры N24, которое вносит изменения в Инструкцию «Об эротической продукции, продукции, содержащей элементы эротики, насилия и жестокости, продукции по сексуальному образованию и половому воспитанию, а также продукции сексуального назначения».
Горш толькі ў КНДР, Эрытрэі і Нікарагуа. Беларусь апынулася ў канцы рэйтынгу краін па ўзроўні свабоды слова
19 June 2024, 11:27 AM
Горш толькі ў КНДР, Эрытрэі і Нікарагуа. Беларусь апынулася ў канцы рэйтынгу краін па ўзроўні свабоды слова
У жыхароў Беларусі свабоды слова менш, чым у любой іншай краіне Эўропы. Ніжэй за Беларусь у рэйтынгу толькі Паўночная Карэя, Эрытрэя і Нікарагуа, вынікае з справаздачы міжнароднай праваабарончай арганізацыі Article 19.
Салідарнасць усёй Еўропы. З’езд ЕФЖ выказаў падтрымку беларускім журналістам за кратамі
19 June 2024, 10:12 AM
Салідарнасць усёй Еўропы. З’езд ЕФЖ выказаў падтрымку беларускім журналістам за кратамі
Удзельнікі з’езда Еўрапейскай федэрацыі журналістаў — лідары і прадстаўнікі журналісцкіх саюзаў і асацыяцый рэгіёна — прынялі ўдзел у акцыі салідарнасці з прадстаўнікамі і прадстаўніцамі медыя ў беларускіх турмах і ўкраінскімі журналістамі ў расійскім палоне.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці