Адключыць SWIFT, выслаць паслоў, забараніць чырвона-зялёны сцяг: «Ліберэка» заклікае да санкцый супраць ураду Лукашэнкі

21 ліпеня 2021, 13:13
Адключыць SWIFT, выслаць паслоў, забараніць чырвона-зялёны сцяг: «Ліберэка» заклікае да санкцый супраць ураду Лукашэнкі

На фота: Ларс Бюндэр. Фота "Вясны"

Нямецка-швейцарская праваабарончая арганізацыя Libereco - Partnership for Human Rights заклікае ўрады Еўропы прыняць больш жорсткія меры супраць рэжыму Аляксандра Лукашэнкі. Стала ясна, што рэакцыі Еўропы пакуль недастаткова, каб спыніць дзяржаўны тэрор супраць беларускага народа, піша Ліберэка на сваім сайце:

У апошнія тыдні былі ліквідаваны апошнія крытычныя галасы. Рэжым раздушыў рэшткі незалежных СМІ ў Беларусі і пазбавіў волі дзясяткі супрацоўнікаў СМІ. Улады таксама ўварваліся ў офісы шматлікіх праваабарончых арганізацый, правялі ператрусы ў прыватных кватэрах і арыштавалі шматлікіх праваабаронцаў – у тым ліку Алеся Бяляцкага, лаўрэата Альтэрнатыўнай Нобелеўскай прэміі 2020 года.

За апошнія 12 месяцаў у Беларусі было арыштавана больш за 40 000 чалавек. Сёння па палітычных матывах па ўсёй краіне ў турме знаходзяцца як мінімум 1500 чалавек, а больш за 500 ужо прызнаныя палітычнымі зняволенымі. Многіх зняволеных падвяргалі катаванням, на ўсіх аказвалі моцны псіхалагічны ціск.

У дадатак да санкцый, уведзеных шматлікімі краінамі, Ліберэка заклікае ўсе дэмакратычныя ўрады прыняць далейшыя меры пакарання пануючага рэжыму ў Беларусі. Мы заклікаем:

  • выключэнне беларускіх банкаў з міжнароднай плацежнай сістэмы SWIFT

  • забарона гандляваць беларускімі дзяржаўнымі аблігацыямі

  • высылка ўсіх амбасадараў Беларусі

  • адкліканне ўсіх замежных паслоў з Беларусі

  • забароны на ўезд і санкцыі супраць міністра замежных спраў Беларусі Уладзіміра Макея і ўсіх астатніх сябраў беларускага ўрада

  • забарона на чырвона-зялёны беларускі сцяг, бо ён з'яўляецца сімвалам тэрарыстычнага рэжыму Лукашэнкі.

  • забарона на рэкламу міжнародных кампаній у беларускіх дзяржаўных СМІ.

 

«Беларускі рэжым здзяйсняе злачынствы супраць чалавечнасці»

«Забойства ад імя дзяржавы, смерць пры падазроных абставінах, спробы самагубства і галадоўкі палітвязняў, якія доўжацца некалькі тыдняў – усё гэта адбываецца ў цэнтры Еўропы. Беларускі рэжым на нашых вачах здзяйсняе злачынствы супраць чалавечнасці і тэрарызуе ўласнае насельніцтва. Калі мы не спынім гэтыя жахлівыя злачынствы, мы будзем саўдзельнікамі! Еўрапейскія дзяржавы і сусветную супольнасць тэрмінова заклікаюць увесці жорсткія карныя меры супраць рэжыму беларускага тэрору, а таксама супраць Расіі, калі яна будзе працягваць падтрымліваць злачынны рэжым Лукашэнкі. Еўропа павінна спыніць беларускі рэжым тэрору », - патрабуе Ларс Бюнгер,старшыня швейцарскага аддзялення Ліберэка.

 

«Нават апошнія санкцыі, уведзеныя толькі пасля ўгону самалёта, не спынілі беларускага дыктатара. Наадварот, рэпрэсіі працягваюцца няспынна і нават узмацняюцца. Апошнія некалькі дзён паказалі, што Лукашэнка не цураецца ліквідацыі кожнага, хто крытыкуе яго. Еўропа не павінна стаяць, склаўшы рукі, пакуль невінаватыя людзі побач кожны дзень трапляюць у турму. Такім чынам, кошт парушэння правоў чалавека Лукашэнкі павінен быць як мага вышэйшы для рэжыму, каб пры гэтым не пакутвала грамадзянскае насельніцтва», - падкрэслівае Марка Фібер, старшыня нямецкага аддзялення Ліберэка.

Арыгінал заявы (на англійскай мове) на сайце Ліберэка

Пераклад на беларускую мову Беларускага дома правоў чалавека імя Барыса Звозскава

Глядзiце таксама

Камітэт абароны журналістаў заклікае да неадкладнага вызвалення журналіста Андрэя Толчына
27 сакавіка 2024, 09:58
Камітэт абароны журналістаў заклікае да неадкладнага вызвалення журналіста Андрэя Толчына
Камітэт абароны журналістаў заклікаў да неадкладнага вызвалення журналіста Андрэя Толчына. 21 сакавіка суддзя Гомельскага абласнога суда Дзмітрый Казлоў прысудзіў беларускаму відэааператару 2,5 гады пазбаўлення волі за спрыянне экстрэмізму і паклёп на Аляксандра Лукашэнку.
БХК: Канцэпцыя сістэмы мер па барацьбе з дыскрымінацыяй і забеспячэнні роўнасці ў Беларусі
27 сакавіка 2024, 09:50
БХК: Канцэпцыя сістэмы мер па барацьбе з дыскрымінацыяй і забеспячэнні роўнасці ў Беларусі
Дакумент распрацаваны ў рамках рэалізацыі Плана дзеянняў на 2023 год, прынятага Кантактнай групай па Беларусі Савета Еўропы, з удзелам экспертаў беларускіх арганізацый грамадзянскай супольнасці, экспертаў Рады Еўропы пры агульнай каардынацыі Беларускага Хельсінкскага Камітэта.
Заява БАЖ: Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег
23 сакавіка 2024, 13:29
Заява БАЖ: Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег
Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег.
Human Constanta: Обзор борьбы с «экстремизмом» в Беларуси за октябрь-декабрь 2023
22 сакавіка 2024, 15:09
Human Constanta: Обзор борьбы с «экстремизмом» в Беларуси за октябрь-декабрь 2023
В обзоре отражены основные тенденции использования маркеров «экстремизм» и «терроризм» в Беларуси с октября по декабрь 2023 года.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці