«Беларусь заслугоўвае дэмакратыі. Яе грамадзяне павінны ведаць, што адбываецца»
)
Еўрапейская федэрацыя журналістаў (EFJ) і Міжнародная федэрацыя журналістаў (IFJ) выступілі з заявай з нагоды ператрусаў і допытаў у супрацоўнікаў «Новага Часу».
19 і 20 кастрычніка супрацоўнікі беларускага палітычнага штотыднёвіка «Новы час» прайшлі праз ператрусы, затрыманні і допыты.
Еўрапейская федэрацыя журналістаў (EFJ) і Міжнародная федэрацыя журналістаў (IFJ) далучыліся да заявы свайго філіяла, Беларускай асацыяцыі журналістаў (БАЖ), у звароце да ўладаў спыніць пераслед журналістаў і СМІ ў краіне:
«EFJ і IFJ асуджаюць чарговы напад на супрацоўнікаў «Новага Часу». Гэтыя пастаянныя рэпрэсіі павінны скончыцца. Мы заклікаем міжнародную журналісцкую супольнасць працягваць кампанію салідарнасці, каб выказаць сваю падтрымку беларускім калегам», — сказаў Рыкарда Гуцьерэс, генеральны сакратар EFJ.
Генеральны сакратар МФЖ Энтані Белангер сказаў: «Нам патрэбны міжнародны скаардынаваны адказ на няспынную атаку на СМІ ў Беларусі. Беларусь заслугоўвае дэмакратыі, і яе грамадзяне павінны ведаць, што адбываецца. Напады на нашых калег па «Новым Часе» ганебныя і абсалютна неапраўданыя. Няхай прэса робіць сваю справу».
Цалкам артыкул на сайце Еўрапейскай федэрацыі журналістаў (на англійскай мове).
Пераклад на беларускую мову: БДПЧ.
Глядзiце таксама
)
)
)
)
Атрымаць падтрымку
