Былы палітзняволены праваабаронца Леанід Судаленка выступіў на Канферэнцыі АБСЕ
)
Былы палітзняволены праваабаронца «Вясны» Леанід Судаленка прыняў удзел у сайд-івэнце на Канферэнцыі АБСЕ па чалавечым вымярэнні, піша "Вясна".
Дыскусію пра прыцягненне да адказнасці за бесчалавечнае абыходжанне ў беларускіх і расейскіх турмах арганізавалі праваабарончыя арганізацыі Civil Rights Defenders і Front Line Defenders.
«Я казаў аб гуманітарнай праблеме вакол палітвязняў, а таксама распавёў, што чакае кожнага палітычнага вязня ў СІЗА і калоніі».
Леанід Судаленка
Праваабаронца падкрэсліў, што для вязняў сталага ўзросту турэмныя тэрміны могуць стаць пажыццёвымі і нават квіткамі ў адзін канец з улікам іх стану здароўя.
«Аб гэтым не размаўляць, а крычаць пра гэта патрэбна! Дай Бог нам дачакацца Алеся Бяляцкага, век якога за 60 гадоў, і тэрмін яшчэ вялікі, таксама астатніх вязняў у веку. Усіх без выключэння палітычных у калоніі робяць парушальнікамі, а гэта значыць яны пападаюць у зону рызыкі, над імі ўвесь час кружыць сумнавядомы арт. 411 КК (непадпарадкаванне патрабаванням адміністрацыі калоніі), бо нібыта яны не сталі на шлях выпраўлення. Я, напрыклад, сядзеў са статусам злоснага парушальніка і да апошняга рыхтаваўся на новы тэрмін».
Леанід таксама падрабязна распавёў пра дыскрымінацыю палітычных у адрозненні ад звычайных асуджаных.
«Пасля выступу прысутныя апладзіравалі мне, падыходзілі і дзякавалі за адкрытасць».
Глядзiце таксама
)
)
)
)
)
Атрымаць падтрымку
