Еўрапейская федэрацыя журналістаў прыняла рэзалюцыю ў знак салідарнасці з БАЖ

Credit: EFJ

У кастрычніку ў Заграбе, Харватыя, прайшла штогадовая сустрэча Еўрапейскай федэрацыі журналістаў (EFJ), на якой адзінагалосна была прынятая рэзалюцыя з нагоды ліквідацыі Беларускай асацыяцыі журналістаў (БАЖ), філіяла EFJ.

Прыняўшы гэтую рэзалюцыю, журналісцкія арганізацыі з усёй Еўропы выказалі салідарнасць са сваімі калегамі ў Беларусі. EFJ будзе і далей дапамагаць БАЖ існаваць і дзейнічаць.

Рэзалюцыя
аб ліквідацыі Беларускай асацыяцыі журналістаў (БАЖ)

Штогадовая сустрэча Еўрапейскай федэрацыі журналістаў (EFJ), якая праходзіць у Загрэбе, Харватыя, 8-9 кастрычніка 2021 года,

адзначаючы, што 27 жніўня 2021 года Вярхоўны суд Беларусі распусціў Беларускую асацыяцыю журналістаў (БАЖ),

адзначаючы, што гэтая ліквідацыя найбуйнейшага незалежнага журналісцкага аб'яднання краіны з'яўляецца вынікам няспыннай атакі на свабоду прэсы і свабоду асацыяцый у Беларусі і пазбаўляе журналістаў апошняй незалежнай установы, у якую можна было звярнуцца па падтрымку;

адзначаючы, што дэманстрацыя Лукашэнкам гатоўнасці ўжываць радыкальныя меры і ліквідацыя іншых няўрадавых арганізацый вымагаюць міжнароднай рэакцыі;

Штогадовая нарада EFJ просіць Кіруючы камітэт:

· заклікаць Еўрапейскую камісію і Еўрапейскі парламент увесці санкцыі супраць рэжыму ў Беларусі, каб БАЖ працягнуў сваю дзейнасць;

· дапамагчы БАЖу і яго сябрам у іх працы пасля пастановы Вярхоўнага суда Беларусі аб ліквідацыі;

· заахвочваць сябраў EFJ прапаноўваць выязныя стыпендыі журналістам з Беларусі, запрашаючы іх у свае краіны.

Арыгінал артыкула (на англійскай мове) на сайце Еўрапейскай федэрацыі журналістаў.

Пераклад на беларускую мову: БДПЧ.