«Індэкс цэнзуры»: «Наш сябар і былы калега Андрэй Аляксандраў усё яшчэ за кратамі»

Праваабарончая арганізацыя «Індэкс цэнзуры» напісала артыкул з нагоды 400 дзён зняволення палітвязня Андрэя Аляксандрава:

«Я вельмі ўзрушаны мужнасцю беларускіх людзей, якія не змаўкаюць, нават ведаючы, якая небяспека ім пагражае», — напісаў у снежні 2013 года беларускі журналіст і праваабаронца Андрэй Аляксандраў. У той час ён працаваў у Лондане супрацоўнікам Index on Censorship Belarus Officer.

Сёння наш сябар і былы калега Андрэй праводзіць за кратамі ў Беларусі 400-ы дзень. Вярнуўшыся ў Беларусь з Лондана ў сярэдзіне 2010-х гадоў, Андрэй добра ўсведамляў, як рызыкоўна працягваць працу ў абарону правоў чалавека, але адмовўся запалохана маўчаць. […]

Андрэй быў затрыманы і зняволены ў студзені 2021 года. Цяпер яму прад'яўляюць абвінавачанні ў «здрадзе дзяржаве» - на падставе таго, што ён аплочваў штрафы журналістам і дэманстрантам, затрыманым падчас акцый пратэсту, выкліканых спрэчнымі прэзідэнцкімі выбарамі 2020 года. Беларускія праваахоўныя органы прыраўноўваюць гэта да фінансавання незаконных акцый пратэсту. У выпадку прызнання вінаватым Андрэю Аляксандраву пагражае да 15 гадоў пазбаўлення волі.

«Калі б мне было так кепска, ці хапіла б мне мужнасці працягваць выказвацца [?]», — задаваўся пытаннем Андрэй у сваім тэксце, маючы на ўвазе Андрэя Саннікава, кандыдата ў прэзідэнты Беларусі, якога збілі, арыштавалі і пакінулі ў камеры з лязом брытвы і кавалкам дрота, у надзеі, што ён заб'е сябе. Цяпер і сам Андрэй церпіць жорсткасці рэжыму. Ён і яго дзяўчына Ірына Злобіна – двое з больш чым 1062 палітвязняў у Беларусі».

“Індэкс цэнзуры” просіць падпісаць петыцыю з патравабаннем вызваліць Андрэя і Ірыну.

Артыкул без скарачэнняў (на англійскай мове) чытайце на сайце “Індэкса цэнзуры”.