Камітэт абароны журналістаў выступіў з заявай з нагоды прысуду Ірыны Слаўнікавай

Парыж, 3 жніўня 2022 года - У адказ на прысуд журналістцы Ірыне Слаўнікавай Камітэт па абароне журналістаў выступіў з заявай:

 «Сённяшні прысуд журналістцы Ірыне Слаўнікавай – пяць гадоў пазбаўлення волі – з'яўляецца яшчэ адным прыкладам цынічнага і помслівага характару беларускіх уладаў», - заявіў Карлас Марцінес дэ ла Серна, праграмны дырэктар КАЖ, у Мадрыдзе. «Паляванне ўладаў на «ведзьмаў», то бок, на журналістаў, якія асвятлялі пратэсты ў 2020 годзе, павінна быць неадкладна спынена. Улады не павінны аспрэчваць апеляцыю Слаўнікавай і мусяць неадкладна вызваліць яе разам з усімі зняволенымі прадстаўнікамі прэсы».

Камітэт абароны журналістаў накіраваў электронны ліст у Следчы камітэт Беларусі і патэлефанаваў у Гомельскі абласны суд па каментарыі, але адказаў не атрымаў.

Беларусь займае пятае месца ў свеце па колькасці зняволеных журналістаў: па стане на 1 снежня 2021 года, калі Камітэт абароны журналістаў праводзіў апошні перапіс вязняў, за кратамі знаходзілася сама меней 19 журналістаў.

 Арыгінал артыкулу (на ангельскай мове) на сайце КАЖ.

Пераклад на беларускую мову – Беларускі дом правоў чалавека