Libereco заклікае вызваліць Марыю Калеснікаву і ўсіх палітвязняў Беларусі
)
Нямецка-швейцарская праваабарончая арганізацыя “Ліберэка” 10 верасня апублікавала адкрыты ліст з заклікам вызваліць несправядліва асуджаную Марыю Калеснікаву і ўсіх палітвязняў.
___________
Марыя Калеснікава была адным з лідараў беларускіх пратэстаў у мінулым годзе. Яна была асуджаная да 11 гадоў пазбаўлення волі ў Мінску 6 верасня 2021 года. Яна знаходзіцца ў турме без віны ўжо год – гэтак сама, як і больш за 650 іншых палітвязняў.
Апазіцыйны палітык Марыя Калеснікава і больш за 650 іншых асобаў зараз знаходзяцца пад вартай у Беларусі за рэалізацыю сваіх правоў на свабоду слова і сходаў.
Мы лічым гэтых затрыманых палітвязнямі і заклікаем беларускі рэжым неадкладна і безумоўна вызваліць іх.
Пасля прэзідэнцкіх выбараў у жніўні 2020 года ў Беларусі штодня затрымліваюць людзей. Па звестках АБСЕ, выбары прэзідэнта былі сфальсіфікаваныя. У 2020 і 2021 гадах незалежныя назіральнікі налічылі больш за 40 000 арыштаў па палітычных матывах і зафіксавалі больш за 1800 выпадкаў катаванняў, здзейсненых прадстаўнікамі дзяржавы.
Беларусы штодня сутыкаюцца з гвалтам, адвольнымі арыштамі, катаваннямі і рэпрэсіямі супраць асобаў, праваабарончых арганізацый і незалежных журналістаў.
Рэжым дыктатара Аляксандра Лукашэнкі, які знаходзіцца ва ўладзе больш за 27 гадоў, гатовы выкарыстоўваць любыя сродкі, каб застацца пры ўладзе.
Мы заяўляем аб сваёй салідарнасці з усімі палітычна пераследаванымі людзьмі і патрабуем неадкладнага і безумоўнага вызвалення ўсіх палітвязняў у Беларусі.
Арыгінал зварота на сайце “Ліберэка”.
Пераклад на беларускую мову: БДПЧ
Глядзiце таксама
)
)
)
)
)
Атрымаць падтрымку
