Міжнародны ПЭН патрабуе вызвалення Уладзіміра Мацкевіча

23 чэрвеня 2022 года беларускі філосаф Уладзімір Мацкевіч быў асуджаны да пяці гадоў пазбаўлення волі. Суд над ім праходзіў у Менску за зачыненымі дзвярыма. У адказ на гэтую навіну выступіла Ма Тыда, старшыня камітэта Міжнароднага ПЭНа «Пісьменнікі ў турмах»:

«Уладзімір Мацкевіч вінаваты толькі ў тым, што мірна выказваў свае погляды. Яго лёс – гэта жорсткі напамін аб няспынных рэпрэсіях, якія зазнаюць іншадумцы ў Беларусі, дзе рэжым Лукашэнкі не спыніцца ні перад чым, каб здушыць любую крытыку».

Міжнародны ПЭН рашуча асуджае прысуд Уладзіміру Мацкевічу: «Мы заклікаем да яго неадкладнага і безумоўнага вызвалення і скасавання прысуду».

«Беларускія ўлады павінны тэрмінова спыніць рэпрэсіі супраць незалежных галасоў. Усе астатнія, хто ўжо знаходзіцца за кратамі проста за рэалізацыю свайго права на свабоду слова – у тым ліку пісьменнік і праваабаронца Алесь Бяляцкі – таксама павінны быць вызваленыя».

Арыгінал артыкула - на сайце Міжнароднага ПЭНа

Пераклад на беларускую мову - БДПЧ