Right Livelihood і «Вясна» заклікалі ААН стварыць для Беларусі незалежны механізм расследавання парушэнняў правоў чалавека
)
22 верасня на 54-й сесіі Рады па правах чалавека ААН слухалі даклад Вярхоўнага Камісара па сітуацыі з правамі чалавека ў Беларусі, піша "Вясна".
Пасля дзяржавы-удзельніцы і недзяржаўныя арганізацыі выступілі з прамовамі.
Падчас інтэрактыўнага дыялогу 25 верасня выступіў фонд Right Livelihood, які прадставіў сумесную прамову з праваабарончым цэнтрам «Вясна». Фонд падзякаваў Вярхоўнаму камісару за ўвагу да сітуацыі ў Беларусі, дзе праваабарончая дзейнасць прыраўноўваецца да экстрэмізму, а асноўныя правы і свабоды крыміналізуюцца. Таксама прадстаўніцтва звярнула ўвагу на колькасць палітвязняў і нечалавечыя ўмовы, у якіх яны ўтрымліваюцца, а таксама атмасферу страху ўнутры краіны, праз якую ўсё болей беларусаў і беларусак вымушаныя з'язджаць замяжу. Right Livelihood адзначыў, што супраць іх таксама ўзмацняюцца рэпрэсіі і ўзгадалі дазвол завочных судоў і забарону на выдачу пашпартоў усім беларусам і беларускам замежжа.
Падчас дакладу фонд падкрэсліў ролю “Вясны” ў высвятленні сістэмных парушэнняў правоў чалавека ў Беларусі, а таксама ўзмацнення ціску на яе, калі ўлады прызналі арганізацыю “экстрэмісцкім фармаваннем”.
«Мы не можам дапусціць, каб злоўжыванні заставаліся незаўважанымі і забыліся, — гаворыцца ў прамове. — Адказнасць павінна быць забяспечаная. Таму мы заклікаем Раду разглядзець пытанне аб стварэнні цалкам незалежнага механізму расследавання для Беларусі і працягваць заклікаць беларускія ўлады вызваліць усіх палітычных зняволеных, у тым ліку сяброў “Вясны”: Алеся Бяляцкага, Валянціна Стэфановіча, Уладзіміра Лабковіча, Марфу Рабкову і Андрэя Чапюка, і неадкладна выканаць свае міжнародныя абавязацельствы ў галіне правоў чалавека».
Глядзiце таксама
)
)
)
)
Атрымаць падтрымку
