«Right Livelihood» віншуе Алеся Бяляцкага, Мемарыял і Цэнтр грамадзянскіх свабодаў – усіх папярэдніх лаўрэатаў сваёй прэміі
)
Праваабарончы праект «Right Livelihood» віншуе Алеся Бяляцкага, Мемарыял і Цэнтр грамадзянскіх свабодаў – усіх папярэдніх лаўрэатаў сваёй прэміі – з сёлетнім Нобелем міра.
«Мы віншуем Алеся Бяляцкага, Мемарыял і Цэнтр грамадзянскіх свабод – усіх папярэдніх лаўрэатаў прэміі «Right Livelihood» - з прысуджэннем Нобелеўскай прэміі міру. Праваабаронцы з Беларусі, Расіі і Украіны, яны доўгі час працавалі дзеля свабоды, міру і дэмакратыі ў постсавецкую эпоху.
«Сардэчна віншую гэтых выдатных лаўрэатаў прэміі «Right Livelihood» з атрыманнем Нобелеўскай прэміі міру», - сказаў Оле фон Уэкскул, выканаўчы дырэктар арганізацыі «Right Livelihood». «Я спадзяюся, што гэтая ўзнагарода яшчэ больш умацуе іх вернасць ідэалам міру, дэмакратыі і галоўных свабод».
Беларускі праваабаронца Алесь Бяляцкі атрымаў прэмію Right Livelihood у 2020 годзе разам з Праваабарончым цэнтрам «Вясна» «за іх рашучую барацьбу дзеля рэалізацыі дэмакратыі і правоў чалавека ў Беларусі». Цяпер Бяляцкі знаходзіцца ў турме за сваю дзейнасць.
Праваабарончая арганізацыя «Мемарыял» была ўганнараваная прэміяй «Right Livelihood» ў 2004 годзе «за дэманстрацыю ў траўматычныя часы важнасці разумення гістарычных каранёў парушэння правоў чалавека, каб забяспечыць іх выкананне ў будучыні».
Украінская праваабарончая арганізацыя «Цэнтр грамадзянскіх свабод» атрымала сёлета прэмію «Права на жыццё» разам са сваёй старшынёй Аляксандрай Матвійчук «за стварэнне ўстойлівых дэмакратычных інстытутаў ва Украіне і мадэляванне шляху да міжнароднай адказнасці за ваенныя злачынствы».
Арыгінальны артыкул на сайце Right Livelihood
Пераклад на беларускую мову: БДПЧ
Глядзiце таксама
)
)
)
)
)
Атрымаць падтрымку
