«Трывожная прыкмета прыцісканьня грамадзянскай супольнасьці». У ААН пракамэнтавалі абвяшчэньне «Вясны» «экстрэмісцкім» фармаваньнем

Пастанова беларускіх уладаў аб абвяшчэньні «экстрэмісцкім фармаваньнем» праваабарончага цэнтра «Вясна» ёсьць чарговай трывожнай прыкметай, заявіў вярхоўны камісар ААН па правах чалавека Фолькер Цюрк.

«Пастанова ўладаў абвясьціць вядучую праваабарончую арганізацыю краіны «Вясна» экстрэмісцкай з’ёсьць яшчэ адной трывожнай прыкметай прыцісканьня грамадзянскай супольнасьці, сродкаў масавай інфармацыі і іншых незалежных арганізацыяў», — сказаў Цюрк.

23 жніўня стала вядома, што МУС прызнала праваабарончы цэнтр «Вясна» «экстрэмісцкім фармаваннем». У міністэрстве лічаць, што арганізацыя займалася дзейнасцю «па падрыхтоўцы здзяйснення замахаў на суверэнітэт і грамадскую бяспеку Рэспублікі Беларусь», а таксама дыскрэдытавала службовыя асобы.

Сёння пяць праваабаронцаў «Вясны» у кратах: старшыня Алесь Бяляцкі, намесьнік старшыні Валянцін Стэфановіч, юрыст Уладзімір Лабковіч, каардынатарка самаахвотніцкай службы Марфа Рабкова і самаахвотнік Андрэй Чапюк.