Як заходнія і беларускія СМІ падалі навіну пра Нобэлеўскую прэмію Алеся Бяляцкага

Навіна аб прысуджэньні Нобэлеўскай прэмію міру Алесю Бяляцкаму, расейскаму «Мэмарыялу» і ўкраінскаму «Цэнтру грамадзянскіх свабодаў» знайшла шырокі розгалас ва ўсіх набуйнейшых СМІ краін Захаду, піша Радыё Свабода.

Навіна аб прысуджэньні Нобэлеўскай прэмію міру Алесю Бяляцкаму, расейскаму «Мэмарыялу» і ўкраінскаму «Цэнтру грамадзянскіх свабодаў» знайшла шырокі розгалас ва ўсіх набуйнейшых СМІ краін Захаду.

Напрыклад, агенцтва AFP напісала ў сваім артыкуле, які разыйшоўся па многіх сусьветных СМІ:

«Бяляцкі — вэтэран абароны правоў чалавека ў аўтарытарнай Беларусі. Ён атрымаў Нобэлеўскую прэмію пасьля гістарычных дэманстрацыяў і жорсткіх рэпрэсіяў у ягонай краіне».

Заходнія СМІ пра Нобэлеўскую прэмію Алеся Бяляцкага

Афіцыйныя беларускія СМІ пра тое, што грамадзянін Беларусі Алесь Бяляцкі стаў другім у гісторыі краіны нобэлеўскім ляўрэататам, не паведамляюць.

Празь дзьве гадзіны пасьля ўручэньня беларускаму праваабаронцу і палітвязьню Алесю Бяляцкаму Нобэлеўскай прэміі ў галіне міру аб гэтай падзеі не напісала ніводнае дзяржаўнае СМІ. У топе навіны — візыт Аляксандра Лукашэнкі ў Санкт-Пецярбург і цэны на грыбы.

Сайты афіцыйных беларускіх СМІ праз 2 гадзіны пасьля навіны пра Нобэлеўскую прэмію для Алеся Бяляцкага

З нэгатыўным камэнтаром выступіў пакуль што толькі прэсавы сакратар МЗС Беларусі Анатоль Глаз.

«Нобэль замучыўся пераварочвацца ў труне», — так пракамэнтаваў рашэньне Нобэлеўскага камітэту прадстаўнік МЗС Беларусі Анатоль Глаз. Афіцыйны Менск на пэўным этапе страціў усялякую цікавасьць да рашэньняў Нобэлеўскага камітэту, заявіў Анатоль Глаз.

Артыкул Радыё Свабоды