Заява Французскага ПЭН-клуба пра сітуацыю ў Беларусі
)
Французскі ПЭН-клуб рашуча асуджае новую хвалю парушэнняў свабоды слова і асноўных грамадзянскіх правоў уладамі Беларусі
Французскі ПЭН-клуб далучаецца да Міжнароднага ПЭНа і самым рашучым чынам асуджае акт паветранага пірацтва, здзейснены ўрадам Беларусі, які прывёў да арышту 26-гадовага блогера і журналіста Рамана Пратасевіча, а таксама яго спадарожніцы Сафіі Сапегі. Французскі ПЭН-клуб патрабуе іх неадкладнага вызвалення.
Французскі ПЭН-клуб нагадвае, што сярод затрыманых ёсць шмат пісьменнікаў, якіх кінулі за краты або пазбавілі волі за іх грамадзянскую пазіцыю і выказванне сваіх поглядаў, апазіцыйных самадзяржаўнаму рэжыму Аляксандра Лукашэнкі.
Французскі ПЭН-клуб падтрымлівае ўсе палітычныя і дыпламатычныя ініцыятывы, якія могуць і павінны быць прынятыя як на еўрапейскім, так і на глабальным узроўні. Несумненна, што гістарычная старонка перавернутая, і зараз яна патрабуе іншага падыходу і іншага маштабу дзеянняў па абароне правоў чалавека ў Беларусі, чым тыя, якія пераважалі ў апошнія дзесяцігоддзі.
Арыгінал заявы па-французску вы можаце прачытаць на сайце Французскага ПЭН-клуба па спасылцы.
Пераклад на беларускую мову: Беларускі ПЭН-Цэнтр.
Глядзiце таксама
)
)
)
)
)
Атрымаць падтрымку
