Навiны

На 28 лютага 2023 года: Людзей Слова ў няволі – 28, агулам у няволі дзеячаў культуры – 135.

3 сакавіка 2023 года суд у Мінску асудзіў пісьменніка, лаўрэата Нобелеўскай прэміі міру, сябра Беларускага ПЭНа Алеся Бяляцкага на 10 гадоў пазбаўлення волі паводле сфабрыкаваных абвінавачванняў у кантрабандзе, арганізацыі і фінансаванні дзеянняў, якія груба парушаюць грамадскі парадак.

Праваабаронцы не прызналі віны.

Арганізацыі, якія падпісалі дакумент, яшчэ раз рашуча асуджаюць крымінальны пераслед Алеся Бяляцкага, Валянціна Стэфановіча і Уладзіміра Лабковіча і паўтараюць свой заклік да беларускіх уладаў вызваліць іх неадкладна і безумоўна, зняць з іх усе абвінавачванні і спыніць судовы пераслед усіх праваабаронцаў у краіне.

Мы патрабуем ад уладаў Беларусі неадкладна вызваліць з-пад варты Яўгена Эміліта, Максіма Самброса, Вадзіма Пінжакова, Дзмітрыя Гапанюка, Аляксандру Захарык, Валерыя Пацярухіна, Андрэя Мамойку, Веру Мамойку, Яўгена Радкевіча, Андрэя Філіпчыка, Аляксея Дужага, Таццяну Дубатоўку і спыніць іх крымінальны пераслед.

Мы патрабуем ад уладаў Беларусі неадкладна вызваліць палітзняволеных Яўгена Бурло, Дзмітрыя Галавача, Андрэя Ярэмчыка, Уладзіміра Буцькаўца, Аляксандра Сумара, Дзмітрыя Сцяпанава, Юрыя Самсонава, Яўгена Глушкова, Уладзіслава Яцэнку.