Тыдзень асьветніцкіх дзеяньняў за роўнасьць і інклюзію

З 9 па 21 лістапада Human Constanta ізноў ініцыюе Тыдзень асьветніцкіх дзеяньняў за роўнасьць і інклюзію і запрашае далучацца, каб нашыя галасы гучалі мацней.

Гэтым разам асобны фокус Тыдня на тэме людзей у міграцыі і супольнасьцях (people in migration and communities).

Тэма міграцыі не была гучнай у публічнай прасторы Беларусі да лета 2020 года. З таго часу дзясяткі, сотні тысяч і нават мільёны людзей у нашым рэгіёне спазналі вымушаную міграцыю праз масавы тэрор, вайну і эксплюатацыю. Шматлікія прайшлі нават двайное і трайное перамяшчэньне. І мы перакананыя, што ўсё гэта патрабуе ўвагі, абмеркаваньня і салідарнасьці.

Запрашаем далучыцца да тэматычных сустрэчаў з 9 па 21 лістапада, падчас якіх вы даведаецеся пра новае і падзеліцеся ведамі і досьведам, а таксама сустрэнеце іншых неабыякавых людзей. Плянуюцца анлайн і афлайн актыўнасьці ў розных краінах і гарадах - сачыце за навінамі ў акаўнце Тыдня @roznyjarounyja

https://instagram.com/roznyjarounyja?igshid=YmMyMTA2M2Y=

Таксама чытайце інтэрв'ю аднаго з арганізатараў Тыдня Валдзіса Фугаша.