Трыццаць адзін новы «хросны» для беларускіх палітвязняў

07 June 2023, 6:56 PM
Трыццаць адзін новы «хросны» для беларускіх палітвязняў

Дэпутаты парламента Даніі і члены Сената Францыі далучыліся да кампані салідарнасці #WeStandBYyou, арганізаванай "Libereco — Партнёрства за правы чалавека", і сталі сімвалічнымі хроснымі для 31 беларускага палітвязня.

Данія

Сігурд Агерснап, дэпутат парламента Даніі ад "Зялёных левых", стаў хросным бацькам Юрыя Кавалёва.

sigurd_agersnap.jpgСігурд Агерснап

"Патрабую неадкладнага і безумоўнага вызвалення Юрыя Кавалёва […]! Мужныя людзі ў Беларусі кожны дзень паказваюць нам, што значыць бараніць свабоду, дэмакратыю і правы чалавека. Праз гэта яны рызыкуюць страціць свабоду, падвергнуцца жорсткаму абыходжанню, гвалту і атрымаць драконаўскія турэмныя тэрміны [...]. Публічнае выказванне свайго меркавання ніколі не павінна прыводзіць да судовага пераследу і псіхіятрычнага лячэння", — падкрэсліў Сігурд Агерснап.

Астрыд Кароэ таксама з'яўляецца дэпутаткай дацкага парламента ад партыі “Зялёныя левыя”. Яна стала хроснай маці Сяргея Раткевіча.

astrid_caroe.jpgАстрыд Кароэ

"Стаць хроснай беларускага палітвязня і падтрымаць арганізацыю ‘Libereco – Партнёрства па правах чалавека’ важна для мяне. [ ... ] Я захапляюся ўсімі тымі мужнымі людзьмі, якія, нягледзячы на вялікую асабістую рызыку, адстойваюць свабоду і правы чалавека. Рэжым павінен неадкладна вызваліць усіх несправядліва зняволеных пратэстуючых і спыніць усе палітычна матываваныя пераследы. Свабодны свет павінен працягваць падтрымліваць дэмакратычныя памкненні ў Беларусі", — заявіла Кароэ.

Якаб Марк, дэпутат парламента Даніі ад “Зялёных левых”, стаў хросным Алега Храмых.

jacob_mark.jpgЯкаб Марк

"Пераважная большасць беларускага насельніцтва выступае супраць удзелу краіны ў вайне ва Украіне. Гэтыя акты адчаю з'яўляюцца выразам палітычнай бездапаможнасці насельніцтва перад тварам аўтарытарнай дзяржавы Аляксандра Лукашэнкі і падтрымкі незаконнай вайны Расіі супраць Украіны. Я падтрымліваю Алега Храмых і патрабую яго неадкладнага і безумоўнага вызвалення", — выказаў сваю занепакоенасць Якаб Марк.

Кевін Кюнерт, дэпутат нямецкага Бундэстага і генеральны сакратар сацыял-дэмакратычнай партыі, глыбока крануты лёсам апазіцыйнага палітыка Андрэя Дзмітрыева і стаў для яго палітычным хросным бацькам. Кюнерт патлумачыў:

"Рэжым Лукашэнкі ў Беларусі гадамі змагаецца са сваімі незлічонымі крытыкамі, узмацняючы жорсткасць сваіх дзеянняў. Той факт, што былы кандыдат у прэзідэнты Дзмітрыеў – яшчэ адна выбітная асоба, якая ў 2020 годзе мужна адважылася балатавацца супраць дзейнага дыктатара на так званых выбарах, – патрапіў у турму, з'яўляецца скандальным і ў той жа час прадказальным. Ужо даўно ў Лукашэнкі няма ніякіх іншых спосабаў абароны ад апазіцыі, акрамя жорсткіх рэпрэсій. Андрэй Дзмітрыеў прадстаўляе прынамсі 1500 палітвязняў у Беларусі. Стаўшы палітычным хросным бацькам Андрэя Дзмітрыева, я хачу засведчыць, што палітвязні не забытыя і могуць разлічваць на міжнародную падтрымку. Мы вельмі ўважліва ставімся да рэпрэсій супраць шырокіх слаёў беларускага насельніцтва. Разнастайная дэмакратычная грамадзянская супольнасць Беларусі, з якой у мяне была магчымасць пазнаёміцца падчас некалькіх сустрэч і візітаў, мае поўную салідарнасць і ўдзячнасць за іх мужную і самаадданую барацьбу за дэмакратыю і правы чалавека".

Маркета Грэгарава, дэпутатка Еўрапейскага парламента і былая хросная Касі Будзько, стала хроснай маці Таццяны Карповіч і падкрэсліла:

"Я ўжо шмат разоў казала пра палітычных зняволеных у Беларусі на пленарных пасяджэннях Еўрапейскага парламента. Нягледзячы на тое, што Кася Будзько нарэшце вызвалена, усё больш і больш людзей апынаюцца за кратамі. Іх жыццё вымушана прыпыняецца ў турэмных камерах. Але нельга сказаць, што іх жыццё праходзіць дарма. Таццяна Карповіч і іншыя ахвяры рэжыму Лукашэнкі з'яўляюцца неад'емнай часткай супраціву такому рэжыму, і я шчыра веру, што іх прыклад прывядзе да падзення Лукашэнкі".

Селін Відмер, дэпутатка Швейцарскага нацыянальнага савета і былая хросная Вольгі Філатчанкавай, якая тым часам была вызвалена, узяла на сябе абавязкі хроснай Аляксея Мельнікава. Яна заявіла:

"Аляксей Мельнікаў — толькі адзін з больш чым 1400 палітычных зняволеных у Беларусі, якія былі пазбаўленыя волі і прысуджаныя да непрапарцыйна вялікіх тэрмінаў зняволення за прыхільнасць справе свабоды слова і сходаў. Я глыбока асуджаю падобнае адвольнае правасуддзе і выказваю салідарнасць з усімі палітычна прыгнечанымі людзьмі ў Беларусі. Сацыяльнае забеспячэнне не падлягае абмеркаванню і павінна быць забяспечана, асабліва з улікам асноўных правоў чалавека. Таму я заклікаю беларускі ўрад гарантаваць гэта і неадкладна і безумоўна вызваліць усіх палітычных зняволеных".

Францыя

У рамках кампаніі салідарнасці Libereco #WeStandBYyou 25 членаў Сената Францыі вырашылі стаць сімвалічнымі хроснымі для палітычных зняволеных у Беларусі, даслаўшы моцны сігнал міжнароднай салідарнасці. Сярод іх Жоэль Гарыё, які выступіў у абарону свабоды слова і дэмакратыі ў Беларусі праз сімвалічнае хроснае бацькоўства палітвязня Віктара Казлоўскага:

"Каб абараніць свабоду слова і дэмакратыю, я падтрымліваю Віктара Казлоўскага, 23-гадовага беларускага палітычнага актывіста, які ўсё яшчэ знаходзіцца ў зняволенні за мірны ўдзел у пратэстах у жніўні 2020 года".

Агулам новымі хроснымі для 25 беларускіх палітвязняў сталі члены Сената Францыі:

Пераклад з ангельскай мовы: ПЦ "Вясна"

See more news

Алесь Бяляцкі стаў лаўрэатам прэміі імя Аляхновіча
15 November 2023, 6:58 PM
Алесь Бяляцкі стаў лаўрэатам прэміі імя Аляхновіча
У Міжнародны Дзень пісьменніка ў зняволенні Беларускі ПЭН і "Радыё Свабода" абвясцілі пераможцаў і лаўрэатаў літаратурнай прэміі імя Францішка Аляхновіча за найлепшыя творы, напісаныя аўтарамі, якія былі зняволеныя.
Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»
15 November 2023, 11:15 AM
Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»
Сёлета лідарка дэмакратычных сіл Святлана Ціханоўская абвясціла 12 лістапада Днём салідарнасці з Беларуссю. З гэтай нагоды выказаўся праваабаронца «Вясны» Павел Сапелка.
Тлумачыць «Вясна»: Лячэнне, прымусовая праца ці ізаляцыя? Сістэму лячэбна-працоўных прафілакторыяў чакаюць вялікія змены
15 November 2023, 10:58 AM
Тлумачыць «Вясна»: Лячэнне, прымусовая праца ці ізаляцыя? Сістэму лячэбна-працоўных прафілакторыяў чакаюць вялікія змены
У студзені 2024 года змяняецца заканадаўства па пытаннях прымусовага лячэння і медыка-сацыяльнай рэадаптацыі грамадзян з алкагольнай і наркатычнай залежнасцямі.
Для даследвання беларускія эксперты просяць былых зняволеных і сваякоў асуджаных прайсці анкетаванне
15 November 2023, 10:52 AM
Для даследвання беларускія эксперты просяць былых зняволеных і сваякоў асуджаных прайсці анкетаванне
Беларускія юрысты, медыкі і псіхолагі аб'ядналіся, каб вывучыць, як функцыянуе турэмная медыцына і псіхалогія ў Беларусі, і якія змены патрэбныя пенітэнцыярнай сістэме, каб правы зняволеных выконваліся і злачыннасць зніжалася. Для даследавання яны просяць дапамогі ў былых зняволеных і сваякоў асуджаных: трэба прайсці анкетаванне.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці