Абсерваторыя абароны праваабаронцаў: «Пераслед адваката Андрэя Мачалава мае палітычныя матывы»

28 June 2022, 7:47 AM
Абсерваторыя абароны праваабаронцаў: «Пераслед адваката Андрэя Мачалава мае палітычныя матывы»

На фота: адвакат Андрэй Малчанаў

Абсерваторыя абароны праваабаронцаў (партнёрства OMCT і FIDH) звяртае ўвагу света на абмежаванне волі па палітычных матывах Андрэя Малчанава, беларускага адваката.

Абсерваторыя даведалася аб крымінальным пераследзе і абмежаванні свабоды адваката Андрэя Мачалава, вядомага сваёй прававой дапамогай ахвярам катаванняў, незалежным журналістам, праваабаронцам, грамадскім і палітычным актывістам у Беларусі.

16 чэрвеня 2022 года суд прыгаварыў Андрэя Мачалава да двух гадоў абмежавання волі з накіраваннем у папраўчую ўстанову адкрытага тыпу за «выкарыстанне ілжывага дакумента» па артыкуле 380 ч. 1 КК. […]

Падчас судовага разбору было парушана права спадара Мачалава на справядлівы суд. Яму было адмоўлена ў правах на юрыдычную дапамогу, бо яго адвакат Віталь Брагінец быў пад адміністрацыйным арыштам, а суд адмовіўся перанесці працэс, каб уключыць удзел спадара Брагінца або дазволіць Андрэю Мачалаву выбраць новага адваката. Андрэя Мачалава прадстаўляў прызначаны судом адвакат, з якім ён не быў знаёмы і не меў магчымасці пагаварыць.

Андрэя Мачалава абвінавацілі ў выкарыстанні несапраўднага адвакацкага пасведчання і дазволу на ўдзел у працэсе ў якасці адваката пры прадстаўленні кліента ў судзе 17 і 18 чэрвеня 2021 года. Андрэй Мачалаў быў пазбаўлены ліцэнзіі дысцыплінарнай камісіяй і саветам Мінскай абласной калегіі адвакатаў ад 31 мая 2021 г. за «праварушэнні, несумяшчальныя са званнем адваката». Паведамленне аб зняцці з працы адпраўлена на стары хатні адрас Андрэя Мачалава. Такім чынам, ён не быў належным чынам праінфармаваны аб рашэнні. 18 чэрвеня 2021 года спадар Мачалаў даведаўся пра гэтае рашэнне, прадстаўляючы ў зале суда сваю падабаронную Вольгу Сінелаву, якая была прыцягнута да крымінальнай адказнасці, а затым асуджана на два гады абмежавання волі па палітычных матывах. Пасля ў дачыненні да яго распачалі расследаванне за выкарыстанне несапраўднага дакумента.

Адвакаты Беларусі, якія працуюць над палітычна матываванымі справамі, падвяргаюцца судоваму пераследу, адвольным арыштам, затрыманням, адміністрацыйным санкцыям, крымінальнаму пераследу і дысцыплінарным санкцыям, у тым ліку забароне на прафесію.

Паводле звестак Defenders.by, з 2020 года ў Беларусі пазбаўленыя ліцэнзій 60 адвакатаў, і як мінімум чатыры адвакаты знаходзяцца пад вартай па надуманых абвінавачаннях.

У гэтым рэчышчы выключэнне Андрэя Мачалава з Мінскай абласной калегіі адвакатаў грунтуецца на палітычна матываваных матывах, бо пераслед адвакатаў як форма запалохвання стаў звычайнай практыкай.

Абсерваторыя рашуча асуджае асуджэнне і абмежаванне свабоды Андрэя Мачалава, а таксама яго пазбаўленне волі, і заклікае ўлады Беларусі адмяніць яго прысуд і пакласці канец усім актам пераследу, у тым ліку на судовым узроўні, супраць яго і ўсіх іншых праваабаронцаў Беларусі.

Цалкам артыкул (на англійскай мове) на сайце ОМСТ

Пераклад на беларускую мову: БДПЧ

See more news

Пераслед праваабаронцаў — з'ява інтэрнацыянальная: дайджэст міжнародных навінаў
14 November 2023, 9:56 AM
Пераслед праваабаронцаў — з'ява інтэрнацыянальная: дайджэст міжнародных навінаў
Лаўрэатка Нобелеўскай прэміі міру за 2023 год пачала галадоўку ў іранскай турме, няма вестак ад украінскага праваабаронцы, зняволенага ў расійскай турме, а асуджанага крымскага праваабаронцу перавялі на строгія ўмовы ўтрымання.
«Звязваем гэта з яго дзейнасцю па абароне правоў чалавека». Заява «Вясны» ў сувязі з новай крымінальнай справай супраць Леаніда Судаленкі
08 November 2023, 10:03 AM
«Звязваем гэта з яго дзейнасцю па абароне правоў чалавека». Заява «Вясны» ў сувязі з новай крымінальнай справай супраць Леаніда Судаленкі
У сувязі з інфармацыяй аб пачатку новага крымінальнага пераследу праваабаронцы і былога палітвязня Леаніда Судаленкі за "садзейнічанне экстрэмісцкай дзейнасці", мы, сябры Праваабарончага цэнтра "Вясны", заяўляем наступнае.
Абаронцы правоў чалавека: дайджэст міжнародных навінаў
17 October 2023, 8:33 AM
Абаронцы правоў чалавека: дайджэст міжнародных навінаў
У кастрычніку, па-ранейшаму, працягваюцца рэпрэсіі супраць праваабаронцаў і праваабарончых арганізацый не толькі ў Беларусі, але і ў суседніх краінах.
«Праваабаронцы пад пагрозай»: Беларускі дом правоў чалавека далучыўся да Сланечнікавай дэклярацыі
04 September 2023, 11:44 AM
«Праваабаронцы пад пагрозай»: Беларускі дом правоў чалавека далучыўся да Сланечнікавай дэклярацыі
Сланечнікавая дэклярацыя - гэта заклік дзейнічаць у абарону праваабаронцаў у небясьпецы. Яна была прынятая на Нобэлеўскай канферэнцыі міру 31 жніўня 2023 году.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці