Барыс Гарэцкі: Усе разумелі, што Анджэя паказальна пакараюць

10 February 2023, 5:56 PM
Барыс Гарэцкі: Усе разумелі, што Анджэя паказальна пакараюць

 Новы час

Намеснік старшыні «Беларускай асацыяцыі журналістаў» Барыс Гарэцкі пракаментаваў прысуд незалежнаму журналісту і сябру «Саюза палякаў Беларусі» Анджэю Пачобуту.

Анджэй Пачобут у судзе. Фота: belta.by

Завяршыўся судовы працэс над палітзняволеным журналістам, сябрам «Саюза палякаў Беларусі» Анджэем Пачобутам. За «заклікі да санкцый» і «ажыццяўленне дзеянняў для рэабілітацыі нацызму», якія нібыта здзяйсняў Пачобут, яму прысудзілі 8 гадоў калоніі ўзмоцненага рэжыму.

Палітвязня затрымалі 25 сакавіка 2021 года разам з іншымі актывістамі польскай нацыянальнай меншасці, дома ў яго прайшоў ператрус. З таго часу ён за кратамі: спачатку ў следчай турме Жодзіна, пасля — у СІЗА № 1 у Мінску, ад верасня 2022-га — у СІЗА ў Гродне. Агулам Пачобут правёў у турме да суду паўтара года.

Намеснік старшыні БАЖ Барыс Гарэцкі ў сваім каментары «Радыё Р*цыя» назваў судовы працэс над Пачобутам «заказным» і «паказальным»:

— Відавочна, што ніхто не чакаў нейкага лёгкага прысуду Анджэю, таму што гэтая справа ад пачатку была максімальна палітычнай, максімальна заказной і максімальна паказальнай. Затрыманне Анджэя і іншых прадстаўнікоў «Саюза палякаў» у сакавіку 2021 года на Дзень Волі, калі па Гродзенскай вобласці пракаціліся ператрусы, а потым затрыманых прывезлі ў Мінск і ўжо тут, у Мінску, расследавалі гэтую справу. 

Сам характар гэтай справы — гэта штуршок уладаў Беларусі ў бок Польшчы на пачатку 2021 года, каб развязаць напружанасць. Яшчэ тады не было мігранцкага крызісу, калі ўлады Беларусі падвозілі на мяжу з Польшчай мігрантаў, але ўжо тады была задуманая гэтая крымінальная справа. Відавочна, што ўсе разумелі, што Анджэя паказальна пакараюць, дадуць вялікі тэрмін. Гэта і адбылося. 

У гэтым прысудзе ў сённяшнім дні мне вельмі імпануе міжнародная рэакцыя, асабліва ў Польшчы. Гэтая краіна на нацыянальным узроўні сочыць за гэтым працэсам, праводзіць акцыі пратэсту, акцыі падтрымкі Анджэя. І я часта бываю ў розных польскіх гарадах, гэта надзвычай прыемна, калі ты прыязджаеш у Варшаву ці яшчэ кудысьці і на нейкай галоўнай вуліцы ці плошчы ты бачыш выяву свайго калегі, свайго сябра — не таму, што яго павінен ведаць увесь свет, але польскае грамадства не забываецца на яго, не спыняе сваю памяць, не перастае нагадваць сабе і ўладам Беларусі, што гэты чалавек мусіць быць вызвалены. 

Анджэя накіравалі ў калонію і вынеслі яму адразу ўзмоцнены рэжым… Для тых, хто не ў курсе, гэта не асобная нейкая калонія, а сэнс у тым, што ўзмоцнены, ёсць яшчэ пасля гэтага і жорсткі рэжым. Гэта абмежаваная колькасць перадач, сустрэч з роднымі. А калі ты палітвзень, то, фактычна, ёсць верагоднасць, што цябе ўсіх гэтых перадач і сустрэч з роднымі увогуле пазбавяць. Ты будзеш у калоніі, як і шматлікія іншыя палітвязні, практычна сам-насам з адміністрацыяй. Вось такія ўмовы цяпер ствараюць палітвязням у калоніях, калі адміністрацыя проста здзекуецца з вязняў. Верагодна, што ў такія жорсткія ўмовы трапіць і Анджэй, калі ад пачатку заяўлена, што ў яго будзе ўзмоцнены рэжым. 

Каментуючы прапанову з памілаваннем, якую рэжым мог зрабіць Пачобуту і іншым сябрам «Саюза палякаў», Гарэцкі гаворыць, што, хутчэй за ўсё, Пачобут ад такой магчымасці выйсці на волю адмовіўся:

— Зараз складана сказаць, як непасрэдна разгортваліся падзеі. Безумоўна, гэта ўсё адбывалася на фоне вялікіх дыпламатычных намаганняў з боку Польшчы — вызваліць людзей, пасаджаных за сваю польскасць. 

Можа быць да Анджэя гэта не ў стоадсоткавай прапорцыі можна прымяніць, таму што супраць Анджэя грала тое, што ён яшчэ і незалежны журналіст. Але я ведаю, што польскія ўлады вельмі намагаліся па дыпламатычных каналах дамовіцца пра вызваленне гэтых людзей. Гэта ўсё вядома з інтэрв’ю Агнешкі Рымашэўскай, кіраўніцы тэлеканала «Белсат», якая казала, што ў яе ёсць інфармацыя пра тое, што Анджэю прапаноўвалі прызнаць сваю віну і выйсці са следчага ізалятара на абмен выезду з Беларусі. Такая ўмова ставілася. 

Іншыя фігуранты справы скарысталіся гэтай магчымасцю. Яны публічна нічога не казалі, я так разумею, што там былі запалоханыя родныя. Вельмі часта цяпер улады Беларусі палохаюць людзей, нават тых, хто з’ехалі з Беларусі, расправамі над роднымі. Але інфармацыя гэтая трапіла. Анджэй гэта рабіць адмовіўся, тады гэта гучала так: «Я на сваёй зямлі, я нічога не парушаў, нічога не рабіў супрацьзаконнага, таму я не буду пісаць ніякіх прашэнняў і не буду прызнаваць віну». То-бок ён застаўся на сваёй пазіцыі. Трэба сказаць, што Анджэй — крэмень у гэтым плане. Гэта ж не першая крымінальная справа супраць Пачобута і не першае яго зняволенне ў следчым ізалятары.

Публікуецца паводле сайту БАЖ

See more news

Рекомендации по безопасности коллег в связи с признанием БАЖ «экстремистским формированием»
15 March 2023, 11:06 AM
Рекомендации по безопасности коллег в связи с признанием БАЖ «экстремистским формированием»
В связи с «новым статусом» БАЖ подготовила краткий гайд о том, какие риски решение КГБ влечет за собой для лиц, которые были связаны с деятельностью организации, и о том, как эти риски могут быть минимизированы.
Amnesty International: приговоры белорусским правозащитникам из «Весны» — неприкрытая месть за их работу
15 March 2023, 11:01 AM
Amnesty International: приговоры белорусским правозащитникам из «Весны» — неприкрытая месть за их работу
Директор Amnesty International по Восточной Европе и Центральной Азии Мари Стразерс выступила с заявлением.
Заява БАЖ: Журналісты і праваабаронцы — не экстрэмісты. БАЖ уважае абсурдным наданне «экстрэмісцкага» статусу арганізацыі
15 March 2023, 10:56 AM
Заява БАЖ: Журналісты і праваабаронцы — не экстрэмісты. БАЖ уважае абсурдным наданне «экстрэмісцкага» статусу арганізацыі
7 сакавіка стала вядома, што Камітэт дзяржаўнай бяспекі Беларусі прызнаў Беларускую асацыяцыю журналістаў экстрэмісцкім фармаваннем. БАЖ стала першай беларускай праваабарончай арганізацыяй, якая “атрымала” такі статус.
Як міжнародная супольнасць адрэагавала на прызнанне БАЖ «экстрэмісцкім фармаваннем»: АБСЕ, «Рэпарцёры без межаў», ЕФЖ і іншыя
15 March 2023, 10:54 AM
Як міжнародная супольнасць адрэагавала на прызнанне БАЖ «экстрэмісцкім фармаваннем»: АБСЕ, «Рэпарцёры без межаў», ЕФЖ і іншыя
28 лютага Камітэт дзяржаўнай бяспекі Рэспублікі Беларусь прызнаў Беларускую асацыяцыю журналістаў экстрэмісцкім фармаваннем. БАЖ стаў першай беларускай праваабарончай арганізацыяй, якая “атрымала” такі статус. Міжнародная супольнасць абураная такім рашэннем беларускіх уладаў.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці