БАЖ узнагароджаны прэміяй «Свабода друку 2022» ад шведскай арганізацыі «Рэпарцёры без межаў»

09 May 2022, 8:39 AM
БАЖ узнагароджаны прэміяй «Свабода друку 2022» ад шведскай арганізацыі «Рэпарцёры без межаў»

Беларускую асацыяцыю журналістаў узнагародзілі прэміяй "Свабода прэсы 2022" ад шведскай арганізацыі "Рэпарцёры без межаў", бо БАЖ "выступае за свабодную прэсу і незалежную журналістыку, калі беларускі рэжым робіць журналістаў мішэнямі. Нягледзячы на прыгнёт, пагрозы, цэнзуру, арышты і катаванні, арганізацыя, сябры якой цяпер раскіданыя па ўсім свеце, працягвае змагацца за незалежных журналістаў у краіне і ў эміграцыі. Дзякуючы гэтаму грамадзяне Беларусі атрымлівалі бесстароннюю і незалежную інфармацыяй", піша прэс-служба БАЖ.

Узнагароду атрымліваў намеснік старшыні Беларускай асацыяцыі журналістаў Алег Агееў.

У сваёй прамове ён адзначыў, што для нашай арганізацыі і для ўсяго беларускага медыясектара гэта вялікі гонар — атрымаць узнагароду за сваю працу па абароне правоў журналістаў і прасоўвання ў Беларусі стандартаў свабоды слова ў Швецыі. Бо менавіта Швецыя стала першай у свеце краінай, дзе ў Канстытуцыі яшчэ ў 1766 годзе зафіксавалі свабоду друку.

"Мы ўспрымаем гэтую ўзнагароду, у тым ліку і як знак салідарнасці з усімі беларускімі журналістамі, якія зведалі масавыя рэпрэсіі за апошні час. Маніторынг БАЖ зафіксаваў больш за тысячу фактаў парушэння правоў журналістаў. Гэта былі адвольныя затрыманні, арышты, крымінальныя абвінавачанні і асуджэнні, катаванні і агнястрэльныя раненні за выкананне журналістамі сваіх прафесійных абавязкаў. Мы таксама лічым гэта праявай салідарнасці з кожным з 24 журналістаў палітвязняў, якія цяпер знаходзяцца ў няволі ў Беларусі. І мы ўдзячныя Швецыі за падтрымку і салідарнасць", — зазначыў Алег Агееў.

З узнагародай БАЖ у Стакгольме павіншавалі Міністр замежных спраў, прадстаўнік ЮНЕСКА ў Швецыі, а таксама прадстаўнікі шведскіх арганізацый грамадзянскай супольнасці.

Падчас мерапрыемства быў прэзентаваны "Індэкс свабоды прэсы 2022". Гэты індэкс параўноўвае ўзровень свабоды прэсы, якой карыстаюцца журналісты і СМІ ў 180 краінах. Ацэнка кожнай краіны ці тэрыторыі робіцца з выкарыстаннем пяці кантэкстуальных індыкатараў, якія адлюстроўваюць сітуацыю са свабодай прэсы ва ўсёй яе складанасці: палітычны кантэкст, прававая база, эканамічны кантэкст, сацыякультурны кантэкст і бяспека.

Беларусь у 2022 годзе заняла ў гэтым рэйтынгу 153-е месца. Гэта найгоршы вынік сярод дзяржаваў Еўропы.

Арыгінал артыкулу на сайце БАЖ.

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці