Дэпутаты парламентаў Германіі, Ірландыі і Вялікабрытаніі сталі «хроснымі бацькамі» Яніны Малаш, Уладзіміра Няпомняшчых і Аляксандра Рэзніка

21 November 2022, 11:39 AM
Дэпутаты парламентаў Германіі, Ірландыі і Вялікабрытаніі сталі «хроснымі бацькамі» Яніны Малаш, Уладзіміра Няпомняшчых і Аляксандра Рэзніка

У межах кампаніі салідарнасці #WeStandBYyou пачатай нямецка-швейцарскай праваабарончай арганізацыяй «Ліберэка», парламентарыі Габрыэла Хайнрых (Бундэстаг Германіі, Сацыял-дэмакратычная партыя), Бары Уорд (Ірландыя, Seanad Éireann, Fine Gael) і Біл Эстэрсан (Вялікабрытанія, Палата абшчын, Лейбарысцкая партыя) сталі сімвалічнымі хроснымі бацькамі беларускіх палітвязняў.

 Gabriela Heinrich

Габрыэла Хайнрых

Яніна Малаш, актывістка Свабоднага прафсаюзу металістаў, была арыштаваная 19 красавіка 2022 года і абвінавачваецца па арт. 342 Крымінальнага кодэкса Беларусі («Групавыя дзеянні, якія груба парушаюць грамадскі парадак»).

Габрыэла Хайнрых, дэпутат нямецкага Бундэстага, узяла на сябе хроснае бацькоўства над Янінай Малаш:

«Мінулі два гады з фальсіфікацыі прэзідэнцкіх выбараў, а ў Беларусі працягваюцца рэпрэсіі. Прадстаўнікі апазіцыі, прафсаюзныя актывісты і праваабаронцы па-ранейшаму знаходзяцца пад пагрозай адвольнага арышту, а арганізацыі грамадзянскай супольнасці зазнаюць вялікі ціск. Для людзей у Беларусі арышт не з'яўляецца нечым незвычайным: прафсаюзныя лідэры, якія адкрыта крытыкуюць беларускі рэжым, неаднаразова станавіліся аб'ектам палітычна матываваных арыштаў.Я заклікаю Аляксандра Лукашэнку вызваліць усіх палітычных зняволеных! Рэпрэсіі ў краіне павінны нарэшце скончыцца».

 Barry Ward

Бары Уорд

Уладзімір Няпомняшчых– ветэран апазіцыі, быў затрыманы 23 снежня 2020 года. 7 красавіка 2021 года ён быў прыгавораны да двух гадоў і шасці месяцаў пазбаўлення волі за публічную абразу пракурора (арт. 369, «Знявага прадстаўніка ўлады»).

Бары Уорд стаў сімвалічным хросным бацькам Уладзіміра Няпомняшчых:

«Я думаю, што вельмі важна трымаць  пераслед дэмакратычных актывістаў у Беларусі на парадку дня краінаў Еўразвязу. Сотні людзей дагэтуль сядзяць у беларускіх турмах за рэалізацыю свайго права на свабоду слова праз пратэст, і важна, каб палітыкі на міжнародным узроўні прадэманстравалі сваю прыхільнасць падтрымцы пратэстуючых і тых, хто супрацьстаіць аўтарытарызму.Я рады «ўсынавіць» Уладзіміра Няпомняшчых, каб паказаць сваю салідарнасць з ягонай справай і справай усіх беларусаў супраць нелегітымнага рэжыму Аляксандра Лукашэнкі, і я заклікаю ўсіх парламентарыяў свету зрабіць тое самае».

 Bill Esterson

Біл Эстэрсан

Аляксандр Рэзнік быў арыштаваны 29 кастрычніка 2020 года і прыгавораны 19 ліпеня 2021 года да васьмі гадоў пазбаўлення волі па артыкуле 293 («Удзел у масавых беспарадках»).

Біл Эстэрсан, сябра Палаты грамад, узяў на сябе хроснае бацькоўства над Аляксандрам Рэзнікам:

«Я падтрымліваю вас, Аляксандр. Каб рэалізаваць сваё права на свабоду сходаў і слова, Аляксандр Рэзнік быў арыштаваны і заключаны ў турму – як і многія іншыя. Пратэстоўцы ў Беларусі патрабуюць таго, што мы часта ўспрымаем як належнае: правоў чалавека і грамадзянскіх правоў, а таксама свабодных выбараў.Я цалкам падтрымліваю гэтыя патрабаванні, падтрымліваю Аляксандра Рэзніка і заклікаю беларускія ўлады вызваліць яго!»

Арыгінал артыкула (на ангельскай мове) на сайце "Ліберэка"

Пераклад на беларускую мову: БДПЧ

See more news

«Сістэматычны наступ на асноўныя свабоды». Наталля Сацункевіч выступіла на канферэнцыі АБСЕ
06 May 2025, 9:20 AM
«Сістэматычны наступ на асноўныя свабоды». Наталля Сацункевіч выступіла на канферэнцыі АБСЕ
Праваабаронца ПЦ «Вясна» Наталля Сацункевіч выступіла на канферэнцыі АБСЕ «Абарона грамадзянскай прасторы — роля праваабаронцаў і свабода мірных сходаў: Дадатковая нарада па чалавечым вымярэнні II».
«Яе жыццё пад немінучай пагрозай». Еўрапейскі парламент выступіў з заявай з нагоды галадоўкі Вікторыі Кульшы
06 May 2025, 9:01 AM
«Яе жыццё пад немінучай пагрозай». Еўрапейскі парламент выступіў з заявай з нагоды галадоўкі Вікторыі Кульшы
Бюро дэлегацыі Еўрапейскага парламента па сувязях з Беларуссю 30 красавіка выступілі з заявай з нагоды галадоўкі палітзняволенай Вікторыі Кульшы.
Amnesty International: «У 2024 годзе ўлады працягвалі вынішчаць усе формы публічнай крытыкі»
30 April 2025, 12:53 PM
Amnesty International: «У 2024 годзе ўлады працягвалі вынішчаць усе формы публічнай крытыкі»
Учора, 29 красавіка 2025 года, Міжнародная праваабарончая арганізацыя Amnesty International прэзэнтавала чарговы даклад аб сітуацыі з правамі чалавека ў свеце ў 2024 годзе. Асобная ўвага ў ім надзяляецца парушэнням правоў чалавека ў Беларусі.
Беларускі Хельсінкскі Камітэт: што такое Універсальны перыядычны агляд і навошта ён патрэбны
24 April 2025, 2:33 PM
Беларускі Хельсінкскі Камітэт: што такое Універсальны перыядычны агляд і навошта ён патрэбны
Кааліцыя беларускіх недзяржаўных арганізацый накіравала даклад аб выкананні Беларуссю сваіх абавязацельстваў у галіне правоў чалавека ў межах чацвёртага цыклу УПА.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці